Isaiah 50:11 - Hawaii Pidgin Bible

¹¹ But, all you odda guys dat make fire An put arrows dat burn inside yoa arrow bag, Go walk in da light from da fire you guys wen make An da burning arrows you wen light. Da ony ting you guys goin get from me, Goin be dis: Bumbye wen you guys lay down, You goin suffa plenny!

Isaiah 50:11 ပူးပေါင်းရင်းမြစ်များ

Songs 16:4

But now, fo da peopo dat like hang out wit dose gods, Dey goin suffa mo an mo plenny! No way I goin go wit dem fo make one sacrifice An pour blood on top da groun fo dose gods, I no even goin tell da names A da gods dey stay tight wit.

Songs 32:10

Da peopo dat do bad kine stuff, Dey goin suffa plenny. But whoeva stay trus Da One In Charge, God goin do all kine stuff Fo show he stay tight wit dem!

Smart Guys 26:18

Wen one guy bulai his fren, An den he tell um, “Az ony one joke, you know!” Az jalike he snap An shoot burning arrows fo kill somebody.

Isaiah 55:2

How come you guys stay pay wit silva Fo stuff dat you no can eat? How come you guys stay work Fo stuff dat no goin fill you up? You guys gotta lissen me! Eat good kine stuff. Den you goin stay real good inside Cuz you stay eat all da good kine food!

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Isaiah 9:18

Cuz wen somebody do bad kine stuff, Az jalike wen get one big fire. All da thorns an da grass burn, An all da trees burn too, Wit plenny black smoke dat go up in da sky.

Jeremiah 17:4

You guys get da blame! Az why you guys goin lose da land I wen give you guys fo come yoa property. I goin make you guys come slaves fo da peopo dat stay agains you Inside one land you guys donno from befo time. Az cuz you guys wen make me come real huhu, Jalike one real hot fire dat goin burn foeva.”

Ezekiel 20:39

“ ‘An fo you Israel ohana peopo, dis wat me Da One In Charge, da Boss, tell: All you guys go work fo yoa idol kine gods if you like! But fo shua, bumbye, you guys goin lissen me. I get one good rep cuz I stay good an spesho, an you guys no goin give me one pilau rep no mo wit yoa idol kine gods an da gifs you give um.

Amos 4:10

Da One In Charge tell: “Was me wen sen da sick fo make trouble fo you guys, Same ting jalike befo time I wen make da Egypt peopo come sick. War time, was me wen kill yoa young guys An let da odda peopos catch you guys horses. Real sad! Haunas, da mahke army guys bodies inside yoa camp! Still yet, you guys no like come back an be my guys!” Dass wat Da One In Charge tell.

Amos 4:9

Da One In Charge tell: “I wen wack da farms you guys own An da fields wea you grow grape Fo da hot wind an da groun worms jam up eryting. Da locust kine grasshoppas wen eat up all da fig tree an olive tree dat you guys own. Still yet, you guys no like come back an be my guys!” Dass wat Da One In Charge tell.

Jonah 2:8

Whoeva go down in front Da good fo notting idol kine gods, Dey no like stay tight wit you. An dey tell ‘Laytas!’ fo you stay tight wit dem.

Habakkuk 2:13

Look! Fo shua, Da One In Charge, da God Ova All Da Armies, He make dis happen: Da peopos bus ass, But wat dey build ony goin burn up. Dey goin come real tired fo notting!

Matthew 22:13

So da king tell his worka guys, ‘Eh, tie up dis guy hands an feet, an throw um outside inside da dark. Ova dea goin get peopo dat goin cry real hard an grind dea teet cuz dey so huhu an futless.’

Matthew 8:12

But goin get odda guys fo God suppose to be dea King, but dey no like um be dea King. An den he goin throw um outside inside da dark. Ova dea dey goin cry plenny an grind dea teet cuz dey so huhu an futless.”

John 8:24

Dass why I tell dat you guys goin get cut off from God foeva cuz a all da bad kine stuff you guys stay do. Cuz if you guys no stay shua dat I da Spesho Guy, den you guys goin mahke from all da bad kine stuff you stay do.”

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

Rome 10:3

Dey donno wat God wen do awready fo make us guys get um right wit him. Cuz a dat, dey try fo get um right wit God how dey like, an dass why dey no like lissen wen he tell um how fo get um right wit him.

James 3:6

An da mout jalike one fire. Erybody get mout, but wit yoa mout you can make one diffren kine world, wea eryting stay wrong. Da tings us guys tell wit da mout can make us come bad inside. Cuz wat we tell can make eryting come jalike get one fire stay burn you up inside. An dat kine fire come strait from Hell.

Jesus Show 19:20

But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.