Isaiah 5:30 - Hawaii Pidgin Bible

³⁰ “Dat time, wen da army guys come dis land, Dey goin make big noise Jalike wen da ocean stay poun. If anybody go look da land, Dey goin see dat eryting stay dark An erybody get big trouble. Even da day time goin come dark cuz a da clouds.”

Isaiah 5:30 ပူးပေါင်းရင်းမြစ်များ

Teacha 12:2

Befo da sun an da light from da moon an da stars look dark cuz you ol, An da dark rain clouds stay come back fas afta da rain pau.

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Isaiah 13:4

“Lissen up! Get big noise on top da mountains, Soun jalike get plenny peopos on top dea! Lissen up! Da king guys an dea nations, Dey stay coming togedda fo fight Babylon! Da One In Charge, da God Ova All Da Armies, He stay make ready one army Fo go make war.

Isaiah 17:12

Bummahs! Plenny army guys stay make big noise Jalike da noise wen da rough ocean stay poun. Da armies from da diffren countries stay make noise, Jalike wen da watta stay come down from da mountain An no can stop um.

Isaiah 30:6

I get real bad stuff fo tell bout wat I see goin happen wit da animals da peopo use fo cross da boonies in da Negev, from Judah to Egypt: “Da Judah peopo going thru da Negev land Wea erybody get hard time An suffa plenny. Get plenny lions ova dea. Get all kine snake dat can kill you, An da kine snake dat you no see um an come out bite you An make you feel jalike you stay burning up. Da Judah peopo take dea rich stuffs dea On top donkeys an camels, Fo pay da Egypt peopo fo help dem. But da Egypt peopo no goin do notting good fo dem!

Isaiah 59:9

An dass how come God da Judge no tell Dat us guys stay do da right kine tings, Cuz us no do um. Us guys still stay far From do da right ting erytime. Us like do good tings, But jalike we like find light, but ony stay dark. Jalike we like da bright light come, But still yet, get ony shadow.

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Jeremiah 30:5

He tell: “Get guys yelling an screaming Cuz dey real sked an shaking, An dey no mo cool head!

Jeremiah 50:42

Dey stay carry bow an arrow an short spear fo fight. Dey mean, an dey like hurt peopo, an dey no give chance. Wen dey ride dea horses, Dey soun jalike big noise from da ocean. Dey all line up ready fo fight, An az you guys, da Babylon peopo, dey stay coming afta!”

Jeremiah 6:23

Dey get bow an arrow an short sword fo fight. Dey like hurt peopo, an dey no give nobody chance. Wen dey ride on dea horses, Dey soun jalike da loud noise from da ocean. Dey all line up ready fo fight, An az you guys, da Jerusalem peopo, da ones dey stay coming afta!”

Sad Song 3:2

He wen make me go way, An make me walk in da dark an not in da light.

Ezekiel 26:3

Az why me, Da One In Charge, da Boss, tell dis: “You Tyre peopo, I stay agains you guys. I goin bring plenny odda peopos agains you guys, jalike da big waves from da ocean poun you guys ova an ova.

Joel 2:10

Da earth shake in front um. Da sky shake too. Da sun an da moon come dark. Da stars no shine no moa.

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Amos 8:9

Da One In Charge a me tell dis too: “Wen da time come, I goin make da sun come dark noon time. Dass wen da whole world goin come dark, no matta day time.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Jesus Show 6:12

An jalike one dream, I watch wen da Bebe Sheep Guy broke open da numba six seal on top da paypa. Right den an dea da earth shake real hard all ova! Da sun come real dark, an da moon come red jalike blood.