Isaiah 5:27 - Hawaii Pidgin Bible

²⁷ In dat army, nobody come tired O trip an fall down. Dey no need sleep late eva, O pass out sleep cuz dey tired. Dea belt stay tight aroun dea wais. Da strap on dea slippa no broke.

Isaiah 5:27 ပူးပေါင်းရင်းမြစ်များ

1 Kings 2:5

“One mo ting. You know wat Joab, my sistah Zeruiah boy, wen do to me. He wen go kill da two guys dat was da generals fo da Israel army, Abner, az Ner boy, an Amasa, Jeter boy. Joab wen do dat afta all da fighting pau. An he ack jalike still get war. So now, jalike get blood all ova his army clothes an stuff an all ova his army boots.

Job 12:18

God take da fancy belt off king guys fo show dey not one king no moa, An put one malo on dem fo show dey ony worka guys now.

Job 12:21

He laugh at da alii guys. He take away da powa dat da strong guys get fo fight.

Songs 18:32

Dass da God dat make me strong fo fight. Ery place I go, God make eryting come okay fo me.

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Smart Guys 3:23

Any place you go, you no need worry You goin bus yoa toe, notting.

Isaiah 11:5

He goin stay ready fo make war agains da bad kine stuff peopo do. He goin be strong, cuz he do da right tings erytime, An you can trus him erytime.

Isaiah 45:1

Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Isaiah 45:5

Me, Da One In Charge! No mo anodda One. No mo anodda God, ony me. I goin make you come strong, Cyrus, Ready fo fight, No matta you donno who me.

Daniel 5:6

His eyes come real big, an he come real sked. His knee stay knock togedda, an he come real weak an he stay shake an he no can tink good.

Matthew 3:4

An you know, John, his clothes come from da camel hair. He make one rope outa ledda fo one belt. He eat grasshoppa, an he get honey from da bees.

Rules Secon Time 32:25

Outside on da street, Goin get war dat goin wipe out dea kids. An even inside dea houses, Dey goin come real sked. Same ting fo da young guys an young wahines, Da bebes an da ol guys, Dey goin mahke too.