Isaiah 5:24 - Hawaii Pidgin Bible

²⁴ “Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 5:24 ပူးပေါင်းရင်းမြစ်များ

2 Kings 19:22

“ ‘You stay talk bad bout me, aah, Sennakerib?! You stay talk big, aah?! You tink you get mo powa den me, aah?! Me, da God dat stay good an spesho fo da Israel peopo!

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Job 18:16

Da bad guys, jalike one sick tree. Da roots come dry undaneat dem, An da branches all dry up above dem.

Job 8:17

Jalike one plant dat twis dea roots all ova da small stones, An look fo one place fo hang on to da rocks.

Songs 50:17

Cuz weneva I tell you wat you gotta do, You come all piss off. You throw out eryting I tell.

Outa Egypt 15:7

You so big, you wipe out erybody dat go agains you. Wen you come huhu, you burn um up, Jalike peopo burn up da junks dat stay Afta dey harves da wheat.

Outa Egypt 5:12

So da Israel peopo go all ova da place inside da Egypt land fo cut da wheat stalk dat nobody cut yet, fo dem pick up enuff wheat stalk fo make da brick.

Isaiah 1:31

Even da strong guys Goin burn up jalike one dry leaf. Eryting dey wen work fo make, Goin come jalike one spark. All da stuff dey make, An da guys dat make um, Goin burn up same time, An no mo nobody can pio da fire.”

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 24:6

Dass why God put kahuna on top da world Fo burn up eryting dea. All da peopo dat live dea, Dey gotta suffa cuz dey wen do wrong. Dass why, from da ones dat live on top da earth, Ony litto bit peopo stay now.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 30:12

Dass why da One dat stay good an spesho fo da Israel peopo tell dis: “You guys, you ack Jalike dis stuff I stay tell, no good! An you guys stay shua Dat you goin come out okay If you make hard fo peopo An bulai dem! Az how you guys tink.

Isaiah 30:9

Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Isaiah 47:14

But you know wat?! Dose star watcha guys, Dey jalike one dry wheat stalk Dat da fire burn um up fas. Dey no can even run away from da fire Fo no burn up. Dat kine fire burn out real fas. Dass not da kine fire Dat make you stay warm.

Isaiah 7:9

Da main town inside Israel, dass Samaria, Da main guy inside Samaria, dass Remaliah boy. If you guys no stay shua bout dis, Az cuz you no stay solid bout um.”

Isaiah 8:6

“Dis Judah peopo tink Dat wat I stay do fo dem, az no good. No matta I do good tings fo dem, Jalike I give um da watta Dat run slow inside da Siloam watta place. But dey ony feel good cuz dey hear Bout wat goin happen To Rezin da king fo Aram, An to Remaliah boy da king fo Israel.

Isaiah 9:18

Cuz wen somebody do bad kine stuff, Az jalike wen get one big fire. All da thorns an da grass burn, An all da trees burn too, Wit plenny black smoke dat go up in da sky.

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!

Ezekiel 15:6

“Az why me, da Boss, Da One In Charge, tell dis: Tink bout how I use da grape wood fo burn, cuz no can use dat kine wood jalike da fores kine wood. Kay den, az how I goin make to da peopo inside Jerusalem!

Hosea 11:9

I no goin punish you guys jus cuz I stay huhu wit you. I no goin turn aroun an jam up you Efraim peopo. Cuz I God! I not one guy! I da One dat stay good an spesho, an I live wit you guys. I stay huhu, but I no goin come bus up you guys!

Hosea 5:12

Me, Da One In Charge goin wipe out da Efraim peopo, Jalike da moth wipe out one wool blanket. An I goin make da Judah peopo come weak Jalike rotten wood.

Hosea 9:16

Da Efraim peopo, jalike one grape plant dat no can grow. Dea root come all dry, An no mo fruit. Even if dey born mo kids, I goin kill da kids dey love.”

Joel 2:5

Dey make noise jalike war wagons Wen dey jump ova da top a da mountains. Dey make noise jalike wen get fire stay burn da dry grass. Dey jalike one strong army line up ready fo fight.

Amos 2:4

You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.

Amos 2:9

“Neva mind was me dat wen wipe out da Amor peopo Fo you Israel peopo live hea. Da Amor peopo was tall, jalike da cedar tree, Strong, jalike da oak tree. But I wen wipe dem out Jalike I wipe out all dea fruits from da branches An dea roots from undaneat da groun too.

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”

Luke 10:16

Jesus tell his guys, “Whoeva hear you, dey hear me too. Whoeva tell ‘Laytas’ to you, dey tell ‘Laytas’ to me too. Whoeva tell ‘Laytas’ to me, dey tell ‘Laytas’ to da One dat wen sen me.”

Luke 3:17

Dat mean, da Christ Guy goin punish da peopo dat stay do bad kine stuff. Jalike one farma guy put da wheat inside da basket an let da wind blow out all da junk kine stuff from da wheat, den he put da wheat inside da storage place. Afta dat, he burn da junk kine stuff.”

Luke 7:30

But da Pharisee guys an da teachas dat teach da Rules From God, dey neva do wat God like dem fo do, an dey neva like fo John baptize dem.

John 12:48

Whoeva tell, ‘Laytas wit you!’ an no lissen wat I tell, God goin judge dem. In da end time wen da world goin come pau, if dey no lissen da true stuff I tell, da judge goin punish dem.

Jesus Guys 13:41

“ ‘You guys dat make fun a wat God tell, Drop yoa jaws! You goin come wipe out! I stay ready fo make someting happen Wen you guys still stay alive. Someting you guys no goin tink Az fo real kine, No matta somebody Tell you all about um.’ ” Dass wat Paul tell um.

Rules Secon Time 28:24

Da One In Charge goin make da rain come down dry jalike dus an jalike powda. Goin come down from da sky till you guys all come wipe out.

1 Tessalonika 4:8

So den, da guy dat tell “Laytas” to all dis stuff I stay tell you guys, az not jalike he tell “Laytas” to one guy, he tell “Laytas” to God! An God da One put his Spirit in charge a you guys. Dass da Spirit dat make you guys go all out fo God.

1 Samuel 15:23

Cuz anybody dat go agains Da One In Charge, az bad, Jalike if dey aks da fortune tella guys wat goin happen, An anybody dat no do how dea boss tell um fo do, az wrong awready, Jalike if dey go down in front da idol kine gods. You! Cuz you tell ‘Laytas’ to wat Da One In Charge tell you fo do, Az why he tell ‘Laytas’ to you! You no goin stay king no moa!”

1 Samuel 15:26

But Samuel tell him, “Eh! I not goin go back wit you. You no lissen wat Da One In Charge tell you fo do. Az why Da One In Charge tell ‘Laytas’ to you. You no goin stay da king fo da Israel peopo no moa.”