Isaiah 5:20 - Hawaii Pidgin Bible

²⁰ “Bummahs! fo da guys dat tell Dat da bad kine stuff stay good, An da good kine stuff stay bad! Dey tell, da dark stay light, An da light stay dark! Dey tell, da kine stuff dat taste bad, stay sweet, An da sweet kine stuff taste bad!

Isaiah 5:20 ပူးပေါင်းရင်းမြစ်များ

Job 17:12

Dese guys tell, ‘Da nite time, dass da day time, you know.’ Wen come all dark, dey tell, ‘Almos light!’

Outa Egypt 23:7

But if get one guy dat neva do notting bad, make shua you no bulai bout da guy in front da judge an tell dat he wen do someting bad. No do notting agains da peopo dat stay do wass right, den gotta mahke. Cuz I God, an I no goin let you go if you go do one bad ting.

Smart Guys 17:15

Da One In Charge tink two kine peopo pilau: One dat tell one guy dat do one bad kine ting “You okay, you neva do notting bad!” An da odda dat tell one guy dat no do notting bad “You wen do someting bad!”

Smart Guys 4:17

Fo dem, az easy fo do bad kine stuff, Az jalike easy fo dem eat food. Wen dey bus up peopo, Az good fun fo dem, Az jalike good fun fo dem drink wine.

Isaiah 24:9

Nobody drink wine an sing no moa. Wen dey drink beer, taste bad.

Isaiah 29:21

Da guys dat use words Fo make some odda guy do someting bad, Da guys dat trap one guy Dat stay talk to da judge, Da guys dat bulai bout one guy dat neva do notting bad, No matta wat dey tell no mean notting, Dey no goin stay.

Isaiah 30:10

Dey tell da guys dat can see Wass goin come bumbye, jalike one dream, ‘No see stuff wen you dream!’ Dey tell da guys dat talk fo God, ‘No tell us wat God tell Bout wat stay right! Tell us ony da kine stuff dat make us feel good inside. Tell us dat God tell all nice kine stuff, No matta az not true!

Isaiah 32:5

Dat time, da stupid kine guys Dat ack jalike God no matta, Nobody goin tell dey get one good heart Fo help peopo. Da guys dat bulai erybody, Nobody goin get respeck fo dem.

Ezekiel 13:19

You guys make my peopo tink I one pilau kine god. Dey tink dey can make me do stuff if dey pay you guys two-three handful a barley an one small piece bread. Az why you wen kill da peopo dat not suppose to mahke, an you let da peopo stay alive dat not suppose to stay alive. Az how you guys bulai my peopo an dey lissen you.

Amos 5:7

“Bummahs, fo you guys! You tell peopo Dat eryting da judge tell, no good, An bulai peopo so dey no mo dea rights! Jalike you throw um down on top da dirt!”

Micah 3:2

But you guys, you hate da good kine stuff, But get love fo da bad kine stuff! You guys pull da skin off my peopo An take da meat off dea bones!

Habakkuk 1:4

Az why da Rules come all jam up, An da judge guys make shua da guys Dat do wass right no win. Da bad kine peopo no let da good kine peopo Do wat dey suppose to do. Da bad guys make da right way come all kapakahi.”

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

Malakai 3:15

So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Luke 16:15

Jesus tell um, “You da guys dat tell da peopo you do da right kine stuff, but God know how you guys stay inside. Da stuff da peopo tink stay real good, dass da stuff God figga no good.”

Rules Secon Time 25:1

Wen da Israel peopo make argue wit each odda, dey gotta bring um to da judge. Da judge goin tell wat guy do wass right an wat guy get da blame cuz he wen do wass wrong.

2 Peter 2:1

Befo time had some Israel peopo dat bulai. Dey wen tell dey talk fo God, but az was ony bulai. Same ting goin happen wit you guys. Goin get peopo dat tell dey teach fo God, but dey bulai! Dey goin be sneaky buggahs an dey no goin tell nobody wat dey stay do fo real. Dass how dey goin bring dea kine teaching. An if you guys lissen dem, you goin come wipe out fo shua! Dey even goin tell dat dey no need lissen to God, dea owna! Neva mind he wen pay one high price fo dem. Cuz da way dey ack, dey goin come wipe out real fas!