Isaiah 5:17 - Hawaii Pidgin Bible

¹⁷ Dat time, da sheeps goin eat grass Inside dea grass land. Dey goin stay on top da land an eat plenny, An da bebe sheeps goin eat Wea da rich peopo wen live befo time, But now, ony get bus up house all ova.

Isaiah 5:17 ပူးပေါင်းရင်းမြစ်များ

Nehemiah 9:37

All da rich kine stuff dat come from dis land, Go to da king guys dat you put ova us guys, Cuz we wen do bad kine stuff. Dey stay in charge a us an oua animals Fo do wateva dey like do. Us guys presha out plenny Cuz a all dese troubles!”

Songs 119:70

Dey get hard head an stay pupule. But me, wen I lissen yoa Rules, Dat make me come all good inside.

Songs 17:10

Dem guys, dey no mo pity fo nobody. Dey talk big bout dea life Jalike dey tink dey God!

Songs 17:14

Eh! Da One In Charge, you real strong! So get me outa trouble from dat kine peopo! Da ones dat ony like get plenny stuffs From inside dis world! But da ones you get love an aloha fo, You give dem all da good tings dey like get. Dea kids an dea grankids, Goin get mo plenny still yet!

Songs 73:7

Dey all jam up inside. Az why dey no mo pity fo nobody. Dey ony tink fo do bad kine stuffs.

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Isaiah 10:16

Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Isaiah 17:2

Da peopo goin leave all da towns Aroer side. Dey all goin go way from ova dea. Goin come one place fo da cows an sheeps an goats. Dey goin lay down dea, An no goin get nobody fo make dem sked.

Isaiah 32:14

Erybody goin go way from da palace An leave da big town Dat wen get plenny noise befo time. Da hill wit da strong wall an da towas Goin get pukas an caves inside. Da wild donkeys goin like live dea Cuz no mo peopo, An da goats goin get food fo eat ova dea.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 65:10

Fo my peopo dat come fo aks me someting, Da Sharon plain goin come one place Wea da sheeps an goats goin get plenny grass. Da Akor Valley, wea get big trouble befo time, Goin come one place wea plenny cows goin res.

Isaiah 7:25

On top da hills, da place wea befo time dey hoe hana da grass, you no goin go dea no moa, cuz you sked da thorn plant goin poke you. Da land ony goin be fo let da cows an sheeps an goats go dea.

Jeremiah 5:28

Dey come momona an dea skin come nice. Dey do plenny bad kine stuff an no stop. In front da judge dey no try help da kids dat no mo faddah Fo make shua da kids get wat dey suppose to get. Dey no do notting Fo help da pooa peopo dat need help get dea rights.”

Sad Song 5:2

Oua property wen pass to peopo us guys donno. Peopo from anodda place get oua houses.

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!

Hosea 8:7

“Az jalike da Israel guys plant da wind, An harves da whirlwind! Da wheat stalk no mo wheat berry, An no can make flour. An if some wheat plant get wheat berries, Fo shua, goin get guys from anodda place goin eat um!

Micah 2:12

God tell: “Fo shua I goin bring all you Jacob peopo togedda, An bring togedda da Israel peopo dat stay still yet, Goin be jalike plenny sheeps inside one fence, Inside wea get green grass fo dem. Goin get plenny peopo ova dea.

Zefaniah 2:14

All kine wild animals goin lay down wea Nineveh was, Da diffren animal nations. Da owl an da heron goin sleep on top da poses fo da buildings. Can hear um thru da windows. Goin get bus up stuff all ova da places wea had doors. Da fancy kine cedar wood goin come wasted from da sun an rain.

Zefaniah 2:6

Da land by da sea, wea da Keret peopo stay, Goin get ony sheep guys an sheep pens ova dea.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Rules Secon Time 28:33

One peopo dat you donno goin eat da food from yoa land dat you wen work hard fo grow. You guys no goin get notting fo keep, you ony goin get hard time erytime.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.