Isaiah 5:11 - Hawaii Pidgin Bible

¹¹ “Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.

Isaiah 5:11 ပူးပေါင်းရင်းမြစ်များ

2 Samuel 19:35

I eighty year ol now, you know. I no can tell if someting stay good o bad. I no can taste wat I eat o drink. I no can hear da voices from da guys an wahines wen dey sing. How come I goin make mo work fo you, my boss da king, aah?

Smart Guys 20:1

You drink too much wine, You goin come da kine guy Dat no mo respeck fo nobody Cuz you tink you so smart. You drink too much beer, You goin make plenny noise. Anybody let da booze make um go da wrong way, Dey not da kine peopo dat know wat dey stay do.

Smart Guys 23:32

Cuz bumbye, goin bite you jalike one snake, An fill you up wit poison, Jalike da kine snake dat kill you!

Isaiah 22:13

But you know wat?! You guys no stay sad inside. You guys dance an sing, An make party, You kill cows an sheeps, Eat da meat an drink da wine. You tell, ‘Eat an drink now, Cuz tomorra, we mahke!’

Isaiah 24:9

Nobody drink wine an sing no moa. Wen dey drink beer, taste bad.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 28:3

Dat town look jalike get one nice haku lei on top um. Proud, da piloot guys from Efraim tink bout um. Da ones dat stay agains Samaria goin bus up da town Jalike dey step an smash da nice haku lei.

Isaiah 5:22

“Bummahs! fo da guys dat erytime like drink wine, An da real smart guys fo mix da booze.

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Habakkuk 2:15

“Bummahs, you guys dat make Da nations aroun you drink yoa wine! You make um come piloot, Fo show um how huhu you stay. Cuz you like look dea naked bodies!

Habakkuk 2:5

Still yet, da big head Babylon army guys no res eva. Dey rich, az why no can trus um. Dey greedy, jalike no mo enuff mahke guys Fo fill up da Mahke Peopo Place. Az why dey catch all da nations fo ony dem, An bring um togedda fo come dea prisonas.

Luke 21:34

“Watch out! No good you guys come all jam up wit too much partying, getting piloot, an worrying bout all kine stuff. No good Da One In Charge come back, an you guys not ready.

Rome 13:13

All us guys gotta live da right way, fo odda peopo see us an know da good kine stuffs us guys stay do. No good us guys buckaloose an party up an get piloot ery time. No good sleep aroun wit anybody. No good go beef erybody. No good come huhu wen odda peopo mo betta den you.

1 Corint 6:10

da steala guys, da greedy guys dat like hog eryting ony fo dem, da piloot guys, da peopo dat talk any kine to anodda guy face, da peopo dat con da odda guy—fo all dese kine peopo, no way dey goin get God fo dea king!

Galatia 5:21

Dey like get da odda guy stuffs. Dey erytime party up an get piloot, an do all dat pilau kine stuff. I stay tell you guys, jalike I wen tell you befo time, da peopo dat make lidat, dey no goin get God fo be dea King.

1 Samuel 25:36

Wen Abigail come back by Nabal, she see he stay make one big party inside da house, jalike one king. He stay real good inside cuz he stay plenny piloot. So she no tell him notting bout wat wen happen till light start fo come morning time.