Isaiah 49:9 - Hawaii Pidgin Bible

⁹ An I goin tell da prisona guys, ‘Go come! Go outside!’ An I goin tell da peopo Dat stay inside one dark place, ‘Go! You guys not prisonas no moa!’ “Jalike da sheeps an da goats, Dey goin find dea food by da side a da road, An on top da hills wea no mo tree.

Isaiah 49:9 ပူးပေါင်းရင်းမြစ်များ

Songs 102:20

Fo lissen how da prisona guys stay moan, An fo let go da guys Da govmen goin kill fo punish dem.

Songs 146:7

God, he da judge dat make shua Dat da right ting happen Fo da pooa ting peopo Dat get plenny presha. He give food to da peopo Dat stay hungry, An he let da prisona guys go.

Songs 22:26

Da peopo dat odda peopo put down, Dey goin eat plenny, all dey like fo eat! All da peopo dat like know Da One In Charge, Dey goin talk good bout him. I like fo dem guys get life an stay good inside, foeva!

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Isaiah 41:18

Jalike I goin make rivas come down on top da dry hills, An pukas fo watta inside da deep gulches. I goin change da boonies. An make um ponds fo watta wit watta plants all aroun. Da place dat no mo rain, I goin make da groun Come one place fo get watta.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 42:7

Wen I tell ‘light,’ dis wat I mean: Jalike you goin open da eyes Fo peopo dat no can see, Jalike you goin take out da peopo Inside one prison unda da groun, Da ones dat stay inside one dark place.

Isaiah 48:17

Dis one spesho message from Da One In Charge. Him, da One dat pay da price Fo get you guys outa trouble. He God, da Spesho One fo da Israel peopo. Dis wat Da One In Charge tell: “Me, Da One In Charge, yoa God. I da One stay teach you guys Wass da bestes kine stuff fo you. I stay show you guys da way fo go.

Isaiah 5:17

Dat time, da sheeps goin eat grass Inside dea grass land. Dey goin stay on top da land an eat plenny, An da bebe sheeps goin eat Wea da rich peopo wen live befo time, But now, ony get bus up house all ova.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Ezekiel 34:23

I goin give one guy da kuleana fo be ova dem an take kea dem. Az goin be David, da guy dat work fo me. He goin come jalike da sheep guy ova dem.

Ezekiel 34:29

I goin give dem one place fo farm dat get good rep cuz plenny food grow dea. Dey no goin suffa one mo time inside dat land cuz no mo food. Da odda nations no goin talk bad to dem no moa.

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Prieses 25:54

“Even if da ohana guy o da slave guy no can buy him back, da owna gotta let him an his kids go, wen da spesho Year Fo Give Back come.

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Luke 1:79

Da peopo dat stay do bad kine stuff, Jalike dey stay live inside da dark an no can see notting, An dey goin mahke inside, God goin help dem fo know da trut. Den us guys goin see da right way, An den notting goin bodda us guys.”

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

John 10:9

I jalike da gate. If anybody trus me, God goin take um outa da bad kine stuff dey stay in, an let um go. Dass jalike dey goin go inside God place thru da gate, az me. An dey goin go wea eva dey like go an find food fo eat.

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”

Efesus 5:8

Befo time, you guys neva know God. Jalike was all dark inside you guys. But now, you guys stay tight wit Da One In Charge, jalike you guys get da light inside you. Now, go ack how you suppose to ack, jalike da guys dat get da light inside dem.

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.