Isaiah 49:16 - Hawaii Pidgin Bible

¹⁶ Look! Jalike I wen write yoa name inside my hands. Erytime time I look, I see da Jerusalem wall stay all bus up.

Isaiah 49:16 ပူးပေါင်းရင်းမြစ်များ

Outa Egypt 13:9

“Dis ting dat you do, goin be jalike one mark on top yoa hand fo help you no foget. Goin be jalike someting you tie on top yoa forehead fo help you no foget notting. Dass so you goin talk foeva bout da Rules from Da One In Charge, cuz Da One In Charge wen use his powa fo you guys come outa Egypt.

Love Song 8:6

Inside, try tink plenny bout me, Jalike I one seal on top yoa heart, An jalike one seal on top yoa arm. Cuz oua love stay real strong, Jalike wen somebody mahke. Wen you geev um an go all out fo somebody, You no like let go da one you love, Jalike da Mahke Peopo Place No like give up da one dat mahke. Love stay burn jalike one strong fire dat flash.

Isaiah 26:1

Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 54:12

Jalike I goin make da towas aroun da town Wit ruby kine stones, An da gates wit stone dat look jalike fire. Goin get rich kine stones all ova da land. Dass one picha fo da town, Fo how I goin make eryting come good fo you guys!

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Isaiah 62:6

Eh you Jerusalem peopo! I stay put guys on top yoa walls fo watch. Day time an nite time, Dey no goin stay quiet. You guys dat stay pray to Da One In Charge Fo no foget wat he wen promise fo do, No res o go sleep.

Isaiah 62:7

No let Da One In Charge res, Till he make Jerusalem solid, An make all da peopo on top da earth talk good bout him.

Jeremiah 17:1

“Da bad kine stuff da Judah peopo do, Jalike somebody stay write inside dem Wit one real sharp iron chisel o wit diamond poin, Jalike stay write on top one metal plate, An jalike fo write um on top da tings jalike horns Dat stick out from da cornas a dea altars.

Jeremiah 22:24

Da One In Charge tell: “Fo shua, I da God dat stay alive. An I stay shua too bout you, Koniah (yoa faddah Jehoiakim was da king fo Judah). I stay shua dat no matta you stay tight wit me jalike one ring on top my finga, I still goin hemo you off my finga. Cuz you no stay tight wit me, I goin dump you!

Haggai 2:23

“Da One In Charge, Da God Ova All Da Armies tell: ‘Dat time, I goin take you, my worka guy Zerubbabel, Shealtiel boy. I goin make you jalike my spesho ring fo seal my paypas, cuz I wen pick you.’ ”