Isaiah 48:9 - Hawaii Pidgin Bible

⁹ Cuz I like peopo know wat kine god me, An I like dem tell good tings bout me, I goin wait an no come huhu yet. I goin hold back An no cut you guys off from me.

Isaiah 48:9 ပူးပေါင်းရင်းမြစ်များ

Songs 106:8

Still yet, God wen get his peopo Outa trouble, Fo erybody know wat kine god him, An how strong he stay.

Songs 143:11

Da One In Charge, keep me alive, Fo me show peopo wat kine god you! You do da right ting erytime, So get me outa trouble!

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.

Songs 79:9

You da God dat stay get us outa trouble, So help us! Den peopo goin know wat kine god you An how awesome you stay. Get us outa trouble, an let us go. An hemo da shame fo da bad tings Us guys wen do! Den peopo goin know Wat kine god you.

Smart Guys 19:11

Wen you tink az good fo know how come tings happen, You no goin come huhu real quick. An if somebody go agains you An dat no goin bodda you, Plenny peopo goin respeck you!

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 37:35

I goin do all dat fo me, An fo da promise I wen make to King David, my worka guy. I goin get da peopo hea outa trouble!”

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Isaiah 48:11

I do all dis cuz a who me, Cuz no way I goin let peopo ack Like I not good an spesho. I da Awesome One, An I no goin let nobody tink Dat anodda god can do wat I do.”

Isaiah 65:8

Dis wat Da One In Charge tell: “Jalike wen somebody find one bunch grapes An still get juice inside, An da odda bunches no mo, Some guys tell, ‘No throw out dis bunch, Cuz get some good kine still yet!’ Az how I goin make fo help my worka guys. I goin hold back an no wipe out all dem.

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Ezekiel 20:14

But cuz I get one good rep, az why I make shua da odda peopos aroun dem no give me one pilau name. Cuz dose odda peopos see wat I do, da time I bring da Israel peopo outa Egypt.

Ezekiel 20:22

But I neva do all dat cuz I get one good rep. Az why I make shua da odda peopos aroun dem no give me one pilau name cuz a who me. Cuz dey see wat wen happen wen I bring da peopo outa Egypt.

Ezekiel 20:44

You Israel ohana guys wen do wass wrong an do da bad kine stuff dat jam you up plenny! Still yet, you guys goin know dass me Da One In Charge dat make good to you guys cuz I no goin make bad to you. Cuz I like erybody know wat kine god me, az why I goin let you guys go. Az wat me, Da One In Charge, da Boss, tell.’ ”

Ezekiel 20:9

But fo keep my good rep, I make shua da odda peopos aroun dem no give me one bad rep. Cuz dose odda peopos see wat I do, da time I let da Israel peopo see me an I bring um outa Egypt.

Ezekiel 36:21

I kea bout my rep cuz I good an spesho! An dass how I stay! But my Israel ohana peopo wen give me one bad rep wen dey go da odda nations.

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”

1 Samuel 12:22

Da One In Charge no goin leave you guys! Cuz he awready make up his mind fo make you guys come his peopo. An he no goin jam up his good rep.