Isaiah 48:8 - Hawaii Pidgin Bible

⁸ You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.

Isaiah 48:8 ပူးပေါင်းရင်းမြစ်များ

Songs 40:6

Sacrifices an gifs, Az not da main ting Fo make you come good inside— You, Da One In Charge! You neva tell I gotta make Burn up kine sacrifices fo you, O da kine sacrifices Fo hemo da shame Fo da bad tings I wen do. But you wen give me my ears fo lissen. If I lissen wat you tell, an I do um, Fo shua, dat make you Come good inside!

Songs 51:5

Fo shua, from da time I born, I stay do da wrong kine stuff, Even from da time my muddah Was hapai wit me, Dass how I stay.

Songs 58:3

Da peopo dat stay do bad kine stuff, From da time dey born Dey go da wrong way. From da time dea muddah Was hapai wit dem, Dey stay all jam up. An wen dey talk, dey bulai.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Isaiah 46:8

No foget all dis, Bout Da One In Charge an yoa idol kine gods. Come strong inside! An you guys dat no like lissen, Tink bout dis ova an ova.

Isaiah 47:11

“Real bad stuff goin happen To you Babylon guys bumbye, But you no even goin know Wat kine magic goin stop um. Da trouble goin wack you guys big time, But even if you pay money, dat no goin change notting. Goin come jalike one big storm, An you no goin even know befo time.

Isaiah 48:4

Cuz I know you guys get hard head. Yoa neck jalike iron An yoa forehead jalike bronze metal.

Isaiah 48:7

I wen make dem jus now, Not long time befoa. You guys neva hear bout um befo today, Az why you guys no can tell, ‘Yeah, I know bout all dat stuff awready.’

Isaiah 50:5

Da One In Charge a me open my ear fo me lissen good. Me, I no go agains him, An I no turn aroun an go da wrong way.

Isaiah 57:4

Who you talk about wen you make fun a dem? Who you make ugly face at An stick out yoa tongue? Yoa faddah-muddah guys stay go agains erybody! Dey ony bulai peopo.

Jeremiah 3:20

But you Israel peopo, Da way you guys ack, I no can trus you! You guys ack jalike one wahine dat her husban no can trus, An she dig out from him!’ ” Dass da message from Da One In Charge.

Jeremiah 5:11

Da Israel ohana an da Judah ohana, Da way dey ack, no way I can trus dem!” Az wat Da One In Charge tell.

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Jeremiah 6:10

But I tell Da One In Charge: “No mo nobody hea dat I can tell Fo watch out bout dat kine trouble! Nobody goin lissen me! Dea ear no stay open. Az why dey no can hear. Dey ony make deaf ear. Dey tink Da One In Charge stay talk harsh kine to dem, An cuz a dat dey no like hear wat he tell um.

Hosea 5:7

Me, Da One In Charge, I no trus dem, Cuz dey go agains me. Dey born kids dat no mo da right fo be my kids. Cuz a dat, wen dey make da spesho religious kine ceremony fo da new moon, Dey goin come wipe out, an dea property too.

Hosea 6:7

“But jalike Adam wen do, dey wen broke da deal dey get wit me. Da way dey ack, I no can trus dem.

Hosea 7:9

Da peopo from anodda place take away dea powa. But da Efraim peopo tink notting wen happen to dem. Az jalike da Efraim peopo hair come all gray, But dey donno dey stay weak.

Malakai 2:11

Da Judah peopo, no can trus dem. Some a da Israel peopo, an da peopo inside Jerusalem, Dey do unreal pilau kine stuff dat make you like puke. Cuz da Judah peopo, dey even go marry Da wahines dat show love an respeck to da gods from odda places. Dass how dey make pilau da place dat stay spesho Fo Da One In Charge, Da place God get love an aloha fo.

Efesus 2:3

An you know wat? All us guys dat time stay ack da same way, jalike da peopo dat go agains God. Eryting oua body like us fo do, we do um. Da way us feel, an da way us tink, we jus do um. Inside we stay jalike da odda peopo. But God had it wit all da kine tings we stay do.

Rules Secon Time 31:16

Da One In Charge tell Moses, “You get litto bit mo time, an you goin go res wit yoa ancesta guys. But dese peopo, dey goin go down in front da odda gods dat da diffren peopos pray to ova dea inside da land dey goin go inside fo take ova. Dey goin do tings wit dose gods, jalike wen peopo go fool aroun behind dea husban o wife back. Dey goin bag from me, an broke da deal I wen make wit dem.

Rules Secon Time 31:18

Den I goin hide my face from dem dat time fo shua, cuz a all da bad kine stuff dey do wen dey bag from me an start fo pray to odda gods.