Isaiah 48:7 - Hawaii Pidgin Bible

⁷ I wen make dem jus now, Not long time befoa. You guys neva hear bout um befo today, Az why you guys no can tell, ‘Yeah, I know bout all dat stuff awready.’

Isaiah 48:7 ပူးပေါင်းရင်းမြစ်များ

Job 32:13

No good you guys tink, ‘Us guys, da ones find out how fo know wat fo do erytime. God da ony one can blow away wat Job tink—peopo no can!’

Isaiah 48:6

You guys wen hear all dis stuff. Look, an tink bout um! How come you guys No tell az true, dat?! “An from now, I goin tell you guys new kine stuff, Secret kine tings dat you neva know befo time.

Isaiah 48:8

You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.

Isaiah 49:7

Dis anodda spesho message from Da One In Charge. (He da One dat pay da price Fo get da Israel peopo outa trouble. He da Good An Spesho One fo da Israel peopo.) Dis message, fo da one Dat da peopo tink he no good inside, Da one dat all ova da country, Da peopo hate um, Da one dey figga ony one slave Dat work fo da leada guys. Dis wat Da One In Charge tell dat guy dat work fo him: “Wen da king guys see you, Dey goin stan up fo show you respeck! Wen da prince guys see you, Dey goin go down in front you Fo show you respeck! An all dat goin happen cuz a me, Da One In Charge. I da One you can trus. I da Spesho One fo da Israel peopo. An I wen pick you!”