Isaiah 48:5 - Hawaii Pidgin Bible

⁵ Az why I wen tell you guys all dis stuff Long time befo time, befo wen happen. I wen make shua you guys hear um, So den you guys no can tell, ‘Az was my idol kine god dat do um, My wood kine god an my metal kine god, Dey da one tell fo make um happen!’

Isaiah 48:5 ပူးပေါင်းရင်းမြစ်များ

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Isaiah 44:7

If get anodda god jalike me, I like um tell how he stay jalike me. I like fo him show da proof Dat he know all da diffren tings Dat wen happen long time befo time, Wen I wen make my peopo come one peopo. An I like him tell me wat goin happen bumbye too.

Isaiah 44:8

Eh my peopo! No shake an no come sked! I wen tell you guys bout dis long time befoa. I wen tell you guys how stay. You guys can tell wat you know bout me. You tink get anodda god jalike me?! No! No mo no anodda god dat stay strong an solid, Jalike one big rock. I know, no mo anodda god lidat!

Isaiah 45:20

“Go come togedda, an come nea me, All you prisona guys From all da diffren countries. Da peopo dat carry dea idol kine gods hea an dea wit dem, Dat somebody wen make from wood, Dey donno notting! Dey pray to da kine gods Dat no can get dem outa trouble.

Isaiah 46:10

From da start, I da One stay tell How da end goin come. From long time befo time, I tell tings Dat nobody do yet. I da One tell dis: “Da plan I make, Az how goin happen. I goin do eryting how I like fo do um.”

Isaiah 48:3

Da One In Charge tell: “Long time befo, I wen tell All da firs tings dat goin happen. I wen make shua peopo hear bout um. Den, wen I stay ready, Right den an dea I do um, An da tings I wen tell, wen happen.

Luke 1:70

From befo time da guys dat talk fo God Cuz dey stay spesho fo him, Dey tell dis:

Jesus Guys 15:18

Dass wat Da One In Charge tell, He da One dat do all dis stuff An he tell us dis long time befo time.’ ”