Isaiah 48:21 - Hawaii Pidgin Bible

²¹ Da time Da One In Charge take oua peopo Thru all da dry places, Dey neva come thirsty. He make da watta come outa da big rock fo dem. He broke da rock, an da watta pour out.

Isaiah 48:21 ပူးပေါင်းရင်းမြစ်များ

Nehemiah 9:15

Wen dey hungry, you give um bread outa da sky. Wen dey thirsty, you make watta come outa one big rock fo dem. You tell um fo come hea fo take ova dis land, Cuz you wen make one strong promise befo time fo give um da land.”

Nehemiah 9:20

You sen yoa Good Spirit fo teach dem. You neva hold back da manna bread Dat come from you fo dem eat. You give um watta wen dey thirsty.

Songs 105:41

God open up one big rock An plenny watta come out Jalike one riva, No matta stay dry all aroun.

Songs 74:15

Was you wen open up da pukas Fo watta come outa da groun An split da valleys fo da streams. Was you wen dry up da rivas Dat get watta all da time.

Songs 78:15

Inside da boonies, He split open da big rocks Fo give da peopo watta fo drink, Uku plenny watta, Jalike come from da deep ocean.

Songs 78:16

He make watta Come outa one cliff An come down jalike rivas.

Songs 78:20

Fo shua, Moses wen wack da cliff An plenny watta come out, Jalike rivas. But wat bout bread? You tink God Can give us guys bread, o wat?! You tink he can give his peopo meat, O no can?” Dass how dey talk.

Outa Egypt 17:6

Dis wat I goin do. Wen you get dea, I goin be ova dea, standing in front you, by da big rock Horeb side. (Horeb, dass anodda name fo Mount Sinai, you know.) Hit da big rock wit yoa stick fo walk fo get watta come outa da big rock. Den da peopo goin drink da watta.” Dass wat Moses do, an da older leada guys from da Israel peopo stay watch him.

Isaiah 30:25

But befo dat happen, Plenny peopo goin mahke, An da high towas goin fall down! Laytas goin get plenny watta fall down From da high mountains an hills. An fill da stream an da watta ditch.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Jeremiah 31:9

Dey goin cry all da way hea, An wen I lead dem, dey goin pray plenny. I goin bring dem by da streams dat get plenny watta inside dat time, On top one easy fo go road Wea nobody goin trip an fall down. Cuz I da faddah fo da Israel peopo, An da Efraim ohana, dey jalike my numba one boy.

Census 20:11

Den Moses put up his hand an wack da cliff two time wit his stick fo walk. Den plenny watta come out, an da peopo an dea animals drink um.