Isaiah 48:20 - Hawaii Pidgin Bible

²⁰ “Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Isaiah 48:20 ပူးပေါင်းရင်းမြစ်များ

2 Samuel 7:23

No mo odda peopo inside da whole world jalike us guys, yoa Israel peopo! Us da ony peopo in da world dat get one God dat come an pay da price fo make us his peopo! You wen do dat fo show erybody wat kine god you, an fo do big an awesome an unreal kine stuff fo yoa land. You wen pay da price fo get yoa peopo outa Egypt, fo throw out da peopos dat live hea befo time, an dea gods too.

Ezra 2:1

Befo time, King Nebukadnezza army guys wen take da Jew peopo away from dea land fo go live inside aroun Babylon town. Now dey start fo go back Jerusalem town an da odda towns Judah side. Dis da ohana names fo all da peopo going back.

Songs 126:1

Wen Da One In Charge Bring back da prisonas From Babylon side to Mount Zion, All us guys feel Jalike az was one dream!

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 12:4

Dat time, you guys goin tell, “Tell Da One In Charge ‘Mahalo!’ Tell him fo help you cuz you know wat kine god him! Go by all da diffren peopos Fo make shua dey know wat kine tings he can do! Help erybody fo no foget Dat wen you know wat kine god him, You know he da greates!

Isaiah 24:14

Bumbye, da peopo dat still stay inside da land, Dey goin yell plenny an sing Cuz dey stay feel good inside. From da west side nea da big sea, Da peopo goin yell Bout how awesome Da One In Charge stay.

Isaiah 26:1

Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 42:10

Sing one new song fo Da One In Charge! Sing from da mos far places inside da world Fo tell dat he da greates! Sing, you peopo dat go work on da ocean An eryting dat live inside da ocean, you sing too! Sing, you islans, An da peopo dat live on top um!

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Isaiah 44:22

You guys go agains me plenny. Wat you wen do, was jalike one black cloud. But I wen wipe all dat out! You wen do plenny bad kine stuff, An dat was jalike get cloud all ova da place. But I wen hemo da shame fo all dat! Go come back by me! Cuz I wen pay da price Fo let you guys go awready.”

Isaiah 48:6

You guys wen hear all dis stuff. Look, an tink bout um! How come you guys No tell az true, dat?! “An from now, I goin tell you guys new kine stuff, Secret kine tings dat you neva know befo time.

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Isaiah 51:14

Da prisona guys dat stay sked, Pretty soon dey goin come outa da prison. Dey no goin mahke inside dea, An dey no goin come hungry.

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

Isaiah 52:9

Sing togedda cuz you guys stay feel real good inside, No matta Jerusalem town still stay all bus up! Dass cuz Da One In Charge take away da sore Dat his peopo feel inside. He pay da price Fo get da Jerusalem peopo outa trouble.

Isaiah 62:11

Da One In Charge tell da peopo all ova da world fo lissen: “Tell my Jerusalem peopo from Mount Zion, ‘Look! Da One goin get you guys outa trouble, He stay come! Look! He stay bring wit him Da ones he wen get outa trouble!’ ”

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Jeremiah 31:10

“Lissen wat me, Da One In Charge, tell, you peopos! Make shua erybody inside da far away islans know dis! Tell um: ‘Da One dat wen scatta da Israel peopo, He da One goin bring dem back togedda. He goin take kea dem Jalike one sheep guy take kea his sheeps.’

Jeremiah 31:11

Cuz Da One In Charge goin do wat he gotta do Fo da peopo dat come from Jacob No need be one slave no moa. Jalike he goin buy um back fo dea ohana From da peopo dat mo strong den dem.

Jeremiah 31:21

“You Israel peopo, Jalike you da daughtah dat I love! Pile up rocks Fo show da way fo go back home! Put up signs nea da road So da peopo goin know wea fo go. Tink bout da main road dat you wen take Wen you wen come prisonas! You Israel peopo, go back yoa towns.

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 50:8

“Dig out from Babylon! Get out from dea land! Jalike da goats dat run outa da pen Befo da sheeps can come outside.

Jeremiah 51:45

“Eh, my peopo! Get outa Babylon! Run away fo stay alive! Run, cuz Da One In Charge stay real huhu!

Jeremiah 51:48

Den, da sky, da earth, an erybody inside um, Goin cheer plenny, Cuz dey stay good inside fo wat happen Babylon side. Cuz from da north side, Army guys goin attack Babylon.” Az wat Da One In Charge tell.

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Zekariah 10:8

I goin make one signal fo dem come, An bring da Efraim peopo togedda. I goin pay da price fo get um outa trouble, An dey goin come mo an mo plenny jalike befo time.

Zekariah 2:10

Da One In Charge tell, “Yell an stay good inside, my Zion peopo. Cuz I stay come, an I goin live wit you guys.” Dass da message from Da One In Charge.

Rules Secon Time 30:4

Even if God make you guys go one mo far place unda da sky, from dea yoa God, Da One In Charge, goin bring you guys back togedda from ova dea.

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.