Isaiah 48:19 - Hawaii Pidgin Bible

¹⁹ I wen like fo yoa kids come plenny Jalike da sand on top da beach Dat no mo nobody can count, But dey no goin come plenny! I wen like fo dem no come wipe out foeva An no get cut off from me, But now, dey goin come wipe out! Dass wat Da One In Charge tell.

Isaiah 48:19 ပူးပေါင်းရင်းမြစ်များ

Start 13:16

I goin give you choke plenny peopo dat goin come from you. Dey goin be all ova da place, jalike da dirt stay all ova da groun. You tink can count da choke plenny dirt on top da groun? No ways! Same ting, goin get choke plenny peopo dat goin come from you, an no can count um.

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

1 Kings 9:7

If you guys jam up, den I goin throw out da Israel peopo from da land I wen give um. Dat Temple dat I wen make spesho fo me, da place fo show wat kine god me, I no goin kea bout dat place no moa. An wen all da odda peopos tink bout da Israel peopo, dey goin tell bad kine stuff bout dem, an tell, ‘Watch out! You goin come jalike da Israel peopo!’

Job 5:25

You goin know dat you get plenny kids. Da ones dat goin come from you goin be plenny, Jalike da grass on top da groun.

Songs 109:13

Cut off da peopo dat goin come From da guy dat stay agains me. No let nobody even rememba who da guy.

Songs 9:5

You tell da diffren peopos dat donno you, Dat you had it awready wit wat dey stay do. You wipe out da peopo dat do bad kine stuff. You make erybody foget who dem, foeva.

Isaiah 10:22

No matta you Israel peopo Get plenny, jalike da sand by da ocean, Ony some a dem goin come back. God tell all da oddas goin come wipe out, Jalike wen da big watta carry um away, Cuz az da right ting fo him do.

Isaiah 14:22

Da One In Charge, Da God Ova All Da Armies, he da One tell dis: “Az me, dat goin stan up an fight Agains da Babylon king guys. Bumbye, nobody goin even rememba Da name a da Babylon peopo. No mo no Babylon guys goin stay, Same ting fo dea kids An da ones dat come from dea kids.” Az how goin be, Da One In Charge, Da God Ova All Da Armies, tell.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 44:4

Dey goin grow jalike trees wit grass all aroun dem, Jalike da poplar tree grow by da watta ditch.

Isaiah 48:9

Cuz I like peopo know wat kine god me, An I like dem tell good tings bout me, I goin wait an no come huhu yet. I goin hold back An no cut you guys off from me.

Isaiah 54:3

Cuz you guys goin need mo plenny room, On da right side an da lef side. Da peopo dat goin born from you Goin take ova da land from odda countries, An go live inside da towns Dat da odda peopo wen bag from.

Isaiah 56:5

Fo dose guys dat no can make kids But stay tight wit me, I goin give dem someting Mo betta den get boys an girls. I goin make dem come jalike az my ohana, An give dem one spesho place inside my house. Peopo no goin foget dea name foeva, An nobody goin foget dea name eva.

Isaiah 66:22

“Jalike da new sky an da new earth dat I stay ready fo make, goin stay long time in front me, da peopo dat goin come from you guys goin stay long time, an peopo no goin foget wat kine peopo you guys, long time too.

Isaiah 9:14

In one day, Da One In Charge goin cut off all da diffren kine peopo, Jalike he cut off dea head an dea tail, An same time, he goin cut off da top palm tree branch up dea, An da reed plant dat grow down inside da mud.

Jeremiah 33:22

I goin make my worka guy David ohana an da Levi ohana dat make religious kine ceremonies in front me, come real plenny peopo, jalike all da stars inside da sky, an da sand on top da beach.”

Hosea 1:10

Bumbye da Israel peopo goin come plenny, jalike da sand on top da beach dat you no can eva count o measure um. But inside da same place wea I wen tell dem, ‘You guys not my peopo no moa,’ laytas peopo goin call dem ‘da peopo dat stay tight wit da God dat stay alive.’

Zefaniah 1:4

“I goin use my powa agains da Judah peopo, An erybody dat live inside Jerusalem. I goin wipe out from dis place eryting dat still stay bout da Baal god. I goin wipe out even da names fo da pries guys fo da idol kine gods, An fo da pries guys dat wen bag from me, Da One In Charge.

Rome 9:27

Befo time, Isaiah talk fo God inside da Bible. He tell, “Get choke plenny peopo dat get Israel fo dea ancesta guy. Da ohana big, jalike da sand on top da beach, No matta God goin take ony litto bit peopo Outa da bad kine stuff dey do.

Rules Secon Time 9:14

No try fo stop me! I goin wipe dem out, fo nobody in da world foget who dem. Den I goin make you, Moses, come one peopo mo strong an mo plenny den dem!’

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”

Ruth 4:10

An not jus da land—da wahine Ruth from Moab, dat wen marry Mahlon befo he mahke, I stay buying da right fo make her my wife. Dass fo her get one boy dat goin keep da name fo his muddah mahke husban wit da land he get cuz his muddah was Mahlon wife. Den all da ohana an all da leada guys fo Mahlon town no goin foget who him. An all you guys, you gotta tell erybody wat wen happen dis day.”