Isaiah 47:9 - Hawaii Pidgin Bible

⁹ But one day, same time, two tings goin happen: You goin come one widow, An yoa kids goin mahke. No matta you do kahuna kine stuff, An you use plenny magic kine words, Still yet dey goin come mahke die dead!

Isaiah 47:9 ပူးပေါင်းရင်းမြစ်များ

Songs 73:19

Real fas, God make dem real sked An wase um! Horraz kine stuff Goin come on top dem, An dey goin mahke cuz a dat!

Isaiah 13:16

Da army guys goin kill dea bebes in front dem, An steal all da stuffs inside dea houses, An rape dea wifes.

Isaiah 21:9

An now, look! One guy inside one war wagon stay come, Get two horse stay pull um.” Den somebody tell, “Babylon town stay all bus up! All da idol kine gods fo Babylon, Stay all smash an all on top da groun!”

Isaiah 47:11

“Real bad stuff goin happen To you Babylon guys bumbye, But you no even goin know Wat kine magic goin stop um. Da trouble goin wack you guys big time, But even if you pay money, dat no goin change notting. Goin come jalike one big storm, An you no goin even know befo time.

Jeremiah 15:9

Even da muddahs dat wen born seven boys Goin come weak an pass out. All dea boys gone awready. Jalike da sun no shine fo dem no moa, even if stay day time. Dey goin come shame, an donno wat fo do! Da res a da guys dat stay alive still yet I goin make da guys dat stay agains dem make war an kill um.” Az da message from Da One In Charge.

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Daniel 2:2

So da king tell his helpa guys fo call dese guys fo come by him: da kahuna guys dat know how fo tell wat dreams mean, da kahuna guys dat know how fo stop da bad kine stuff dat happen to you wen somebody put kahuna on top you, an odda kahuna guys dat know how fo put kahuna on top you, an da Kaldea guys dat know how fo learn stuff from da stars. Dey suppose to know wat he wen dream. So dey come stan in front him.

Daniel 4:7

Den dey all come. Get da kahuna guys dat know how fo tell wat dreams mean. An get da guys dat know how fo stop da bad kine stuff dat happen to you wen somebody put kahuna on top you. Get da Kaldea guys dat know how fo learn stuff from da stars. An get da guys dat look at da animal guts wen dey kill um fo make sacrifice fo find out wass goin happen bumbye. I tell dem bout my dream, but no mo nobody can tell me wat da dream mean.

Daniel 5:30

But dat same nite, da Mede army guys kill Belshazzar, da king fo da Babylon peopo.

Daniel 5:7

Da king yell real loud fo his guys fo bring da kahuna guys dat know how fo stop da bad kine stuff dat happen wen somebody put kahuna on top you, da kahuna guys dat know how fo tell stuff from da stars, an da kahuna guys dat look at da animal guts wen dey kill um fo make sacrifice, fo dem figga wass goin happen bumbye. Wen all dose smart guys from Babylon come, he tell um: “Whoeva read dis writing an tell me wat dis mean, I goin put purple kine king kine clotheses dat cost plenny on top him, an one gold chain aroun his neck. He goin come da numba three leada fo da Babylon peopo.”

Nahum 3:4

All dis happen cuz da Nineveh peopo jalike one hoa. She look nice, but she put kahuna on top peopo. Da nations come her slaves Cuz she fool aroun wit dem, An da ohanas come her slaves Cuz she put kahuna on top dem.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.

Jesus Show 22:15

Outside da town get da peopo dat dey jalike dogs, da peopo dat put kahuna on top watevas, da peopo dat fool aroun somebody, da peopo dat like murda oddas, da peopo dat go down an pray to da idol kine gods, an erybody dat like fo bulai peopo.

Ruth 1:20

Naomi, she tell um, “Eh! Mo betta no call me Naomi, Cuz dat mean ‘eryting nice.’ Mo betta call me Mara, Cuz dat mean ‘eryting jalike bad taste.’ Cuz Da God Dat Get All Da Powa, He wen make eryting come real junk fo me.

Ruth 1:5

da boys Mahlon an Kilion, dey mahke too. So Naomi, she stay dea alone. No mo husban, an no mo boys o grankids.