Isaiah 47:2 - Hawaii Pidgin Bible

² You Babylon guys goin be Jalike one wahine dat gotta sit down By da big heavy stone Fo grind da wheat jalike one slave Fo make flour, O one wahine dat gotta take off her head cloth An lif up her skirt so no come wet Wen she go across one stream.

Isaiah 47:2 ပူးပေါင်းရင်းမြစ်များ

Start 24:65

She tell da luna guy, “Eh, dat guy ova dea inside da open country, da one dat stay walk dis way, who him?” Da luna tell, “Him, my boss.” Den Rebecca take one piece cloth an hide her face fo show respeck fo da guy dat goin come her husban.

1 Records 19:4

So Hanun tell his guys fo grab David govmen guys, shave off dea beard, cut off dea clotheses in da middo by da okole, an throw dem outa dea country.

Job 31:10

If I wen do dat kine bad stuff, Den mo betta my wife come one slave Fo grind da wheat an barley fo anodda guy. An mo betta odda guys sleep wit her.

Outa Egypt 11:5

Da numba one boy from ery ohana inside da Egypt land, goin mahke. You da Pharaoh guy dat sit on top da throne, but yoa numba one boy goin mahke. Same ting, da slave wahine dat stay sit by da stones dey use fo make da flour fo eat, her numba one boy goin mahke. Even da animals, all da numba one boy kine animals goin mahke.

Teacha 12:4

Da ears no hear good, Jalike somebody shut da doors dat let da street noise come inside. Dey hear ony litto bit noise cuz dey grind ony litto bit wheat, Peopo wake up wen da birds start fo sing, But dey no hear da tunes good.

Isaiah 20:4

So da king fo Assyria goin take da prisonas from Egypt an Sudan outa dea country naked an barefeet. No matta dey young o ol, dea okole an dea olos goin show, an dat goin make da Egypt peopo come shame.

Isaiah 3:17

I goin put sore all ova dea head. I goin make all da Jerusalem wahines come bolohead.”

Isaiah 3:23

Da mirrors, da linen undawears, Da fancy kine cloth on top dea head, an da shawls.

Isaiah 32:11

Shake an come sked You wahines dat no give a rip bout notting. Shake an come sked You daughtahs dat stay shua notting goin hurt you. Take off yoa clotheses An put burmbag cloth aroun yoa wais Fo show you stay sad an crying.

Jeremiah 13:22

Wen you guys start fo tink, “How come all dis stay happen to us?” All dis happen cuz you guys stay do plenny bad kine stuff. Az why dea army guys goin rip off yoa clotheses An rape you!

Jeremiah 13:26

Jalike I pull up yoa robe ova yoa face. An erybody goin see yoa shame.

Jeremiah 25:10

I goin make shua dat no mo nobody from Jerusalem goin stay good inside o like make party. Even da bride an groom no goin say notting. No goin get noise from da stones dat make da wheat flour, an no goin get light from da olive oil lamps.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Sad Song 5:13

Da young guys bus ass fo push da heavy stones fo grind da wheat. Da boys almos fall down cuz dey carry heavy wood.

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Micah 1:11

You guys dat live inside Shafir, da Nice Looking Town, Go wea da guys dat stay agains us take you, No matta you stay naked an shame. Da peopo inside Zaanan, da Marching Town, Dey stay sked, dey no come outside dea town wall. Da peopo inside Bet-Ezel, da Hill Town, stay sad an crying. Dey no can help you notting.

Matthew 24:41

Goin get two wahines stay working togedda fo make flour fo bread wit one grinding stone. God goin take one wahine, an he no goin take da odda one.

Luke 17:35

Two wahines goin stay grind fo make da wheat flour togedda. God goin take one, an leave da odda.

1 Corint 11:5

But if get one wahine dat no cova up her head wen she pray o talk fo God, dass jalike she do one shame kine ting dat make her husban come shame. Cuz same ting, he stay in charge a her, an he da head fo her. Same ting, dass jalike if somebody wen cut one wahine hair bolohead fo make her come shame.

Local Leadas 16:21

Den da Filisha guys grab him. Dey pull out his eyes, an take him Gaza side. Dey tie him up wit bronze leg chains, an dey make him turn one big millstone inside da prison fo make flour from wheat.