Isaiah 47:13 - Hawaii Pidgin Bible

¹³ Wen you guys lissen To eryting da guys dat make magic like tell you fo do, Ony make you guys tired! Let dem all stan up an talk— Da guys dat know da zodiac signs, Da guys dat check out da stars Fo make horoscope ery month, new moon time! But wen da tings dat goin happen, happen, Den let dem get you guys outa trouble!

Isaiah 47:13 ပူးပေါင်းရင်းမြစ်များ

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Isaiah 47:15

Dass all da star watcha guys goin do fo you. You Babylon guys gotta work hard, Cuz from small kid time Da star watcha guys make you pay. But all dem goin go one diffren way, An no mo nobody goin get you guys outa trouble.”

Isaiah 47:9

But one day, same time, two tings goin happen: You goin come one widow, An yoa kids goin mahke. No matta you do kahuna kine stuff, An you use plenny magic kine words, Still yet dey goin come mahke die dead!

Isaiah 57:10

You guys look all ova da place fo find new gods, An you come tired from all dat. But you no tell, “All dat, az wase time!” Cuz you no give up, You wen come strong one mo time, Dass why you no pass out.

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Jeremiah 51:58

Dis wat Da One In Charge, da God Ova All Da Armies, tell: “Da thick Babylon wall goin come all broke down. Da high town gates goin come all burn up. Plenny nations wen work hard fo build um—fo notting. Wase time, all dose peopos wen work fo make wat da fire goin burn down!”

Jeremiah 51:64

Den tell, ‘Az how Babylon goin go down an no come back up no moa, cuz a all da bad kine stuff I stay ready fo make happen to dem. An dea peopo goin lose fight.’ ” Az all da messages Jeremiah wen tell. Dass it, pau awready.

Ezekiel 24:12

But no matta how hard you do all dat, no can hemo da stuff dat stick to da pot. Cuz a dat, throw um all inside da fire!

Daniel 5:30

But dat same nite, da Mede army guys kill Belshazzar, da king fo da Babylon peopo.

Habakkuk 2:13

Look! Fo shua, Da One In Charge, da God Ova All Da Armies, He make dis happen: Da peopos bus ass, But wat dey build ony goin burn up. Dey goin come real tired fo notting!