Isaiah 47:12 - Hawaii Pidgin Bible

¹² “So, make da magic kine words An put kahuna on top plenny peopo all da time, Same ting you wen work real hard Fo learn from small kid time. Maybe da magic an da kahuna goin come out okay. Maybe you goin make somebody come mo sked.

Isaiah 47:12 ပူးပေါင်းရင်းမြစ်များ

Songs 129:1

All you Israel peopo, tell dis to erybody: “From da time us guys Come one nation, All da time Peopo presha us guys plenny!”

Outa Egypt 7:11

So da Pharaoh guy tell his guys dat suppose to know wat fo do, an da ones dat know how fo make bad kine kahuna fo come. Da prieses dat know how fo tell da Egypt peopo wass goin happen, dey make secret kine kahuna too, an dea stick fo walk come one snake too.

Outa Egypt 8:7

But da Egypt pries guys, dey make secret kine kahuna fo do same ting too. Dey make frogs come up all ova da Egypt land.

Outa Egypt 9:11

Da Egypt pries guys no can even stan up in front Moses cuz a da boils, cuz da boils come out all ova da Egypt pries guys an all ova all da odda Egypt peopo.

Isaiah 19:3

Da peopo inside Egypt goin lose fight. Dey make one plan, but I goin jam up da plan. Dey goin go aks dea idol kine gods, An da mahke peopo spirits. Dey goin aks da kahuna guys an wahines wat fo do.

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Jeremiah 2:28

So, now! Wea da gods stay, Dat you guys wen make fo you?! Let um come, if dey can get you guys outa trouble. Cuz you Judah guys get plenny gods, aah? Jalike you get one god fo ery town!”

Ezekiel 21:26

Dis wat me Da One In Charge, da Boss, tell: Hemo da cloth you wind aroun yoa head fo show you da king! Take off yoa crown! Now, no goin be jalike was befo time. Da peopo dat not importan befo time, dey goin come importan. Da peopo dat importan befo time, dey no goin be importan no moa.

Daniel 2:11

Wat you, oua King, stay aks us fo do, too hard! No mo nobody can tell you wat you like know. Ony da gods can do dis, an dey no live wit da peopo.”

Daniel 2:2

So da king tell his helpa guys fo call dese guys fo come by him: da kahuna guys dat know how fo tell wat dreams mean, da kahuna guys dat know how fo stop da bad kine stuff dat happen to you wen somebody put kahuna on top you, an odda kahuna guys dat know how fo put kahuna on top you, an da Kaldea guys dat know how fo learn stuff from da stars. Dey suppose to know wat he wen dream. So dey come stan in front him.

Daniel 5:15

My guys wen bring dese smart guys an kahuna guys in front me fo read dis writing an tell me wat da words mean, but dey no can tell me wat da writing mean.

Micah 3:7

“Da guys dat tell dey see wat odda peopo no can see, Goin come shame. An da guys dat tell wat goin happen, Dey all goin lose face, Cuz God no tell dem notting dey aks um about.”

Nahum 3:4

All dis happen cuz da Nineveh peopo jalike one hoa. She look nice, but she put kahuna on top peopo. Da nations come her slaves Cuz she fool aroun wit dem, An da ohanas come her slaves Cuz she put kahuna on top dem.

Census 22:25

Wen da donkey see da angel from Da One In Charge she move nea da wall, an smash Balaam foot by um. So he wack um one mo time.

Jesus Show 9:21

Da peopo still yet no come sorry. Dey still yet murda peopo, put kahuna on top any kine stuff, fool aroun wit somebody, an steal stuffs.