Isaiah 47:11 - Hawaii Pidgin Bible

¹¹ “Real bad stuff goin happen To you Babylon guys bumbye, But you no even goin know Wat kine magic goin stop um. Da trouble goin wack you guys big time, But even if you pay money, dat no goin change notting. Goin come jalike one big storm, An you no goin even know befo time.

Isaiah 47:11 ပူးပေါင်းရင်းမြစ်များ

Nehemiah 4:11

An da guys dat stay agains us tell, “Wen us guys go afta da Jew guys, dey no goin know we dea, an dey no goin see us till we stay right dea wit dem. Den we kill um an make da work stop.”

Songs 35:8

I like fo da big trouble dat stay come, Come on top dem But dey donno stay come. I like fo da net dey wen hide Trap dem an not me, Fo dem get big trouble Wen dey fall inside.

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Songs 55:15

I like fo da peopo mahke Dat stay agains me, Wen dey tink notting goin happen To dem! I like fo dem go down Da Mahke Peopo Place Wen dey still alive, Cuz any place dey live, Dey stay do bad kine stuff.

Songs 73:19

Real fas, God make dem real sked An wase um! Horraz kine stuff Goin come on top dem, An dey goin mahke cuz a dat!

Smart Guys 13:21

Wen peopo do bad kine stuff, Bad stuff goin happen to dem. But peopo dat do wass right, Good stuff goin happen to dem cuz a dat.

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 29:5

Goin get real plenny guys from anodda place Dat stay agains you guys, But dey goin come jalike da dirt on top da groun. All da peopo dat like hurt you guys, Dey goin come jalike da junk kine stuffs from da wheat Dat stay blow way. Goin come real fas,

Isaiah 30:13

An cuz you make lidat, Dis how goin be wen I punish you guys. Jalike wen get one high wall wit one small crack, An da crack come mo big, An da wall by da crack push out, An bang! da whole ting fall down.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 45:7

I make da light an da dark. I make good kine stuff happen, An I make bad kine stuff happen. Me, Da One In Charge, da One dat stay do all dis kine stuff.

Isaiah 47:9

But one day, same time, two tings goin happen: You goin come one widow, An yoa kids goin mahke. No matta you do kahuna kine stuff, An you use plenny magic kine words, Still yet dey goin come mahke die dead!

Isaiah 48:8

You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 51:43

Da small towns aroun Babylon goin come wasted, All dry up jalike da boonies, Wea nobody live, An nobody go thru dea.

Jeremiah 51:8

Wen da Babylon peopo tink notting bad goin happen, Right den an dea dey goin fall down an come all bus up! Cry fo da Babylon peopo! Bring medicine cuz dey hurt! Maybe dey can come good.

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Ezekiel 7:26

Real bad kine stuff goin happen, one right afta da odda. Dey goin hear any kine stuff bout wat goin happen. Da guys dat tell dey talk fo God, peopo goin aks dem fo tell wat God wen show dem. Da pries guys no goin teach da rules no moa. Da older leada guys no goin tell da peopo no mo wass good fo dem.

Matthew 18:34

Da king come real huhu. He give da guy to da guards inside da prison fo torture him, till he pay eryting he owe.”

Luke 12:59

I tell you, you gotta pay eryting you owe befo you can come out.”

Luke 17:27

Dat time da peopo wen eat an drink, dey marry an give dea girls fo marry, till da day Noah go inside da big boat. Den da big watta come an kill all da odda peopo.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

Jesus Show 3:3

So den, no foget how you guys wen take da stuff I teach you, an you guys wen go all out fo do um. So, stay do lidat. Come sorry fo da bad kine stuff you guys stay do now, an no do um no moa. If you guys no wake up, I goin come real fas, jalike one steala guy, an you guys no goin know da time I goin show up.’