Isaiah 46:3 - Hawaii Pidgin Bible

³ Lissen to me, you Jacob peopo, An all you Israel peopo Dat still stay on top da land. I wen carry you guys from da start, An wen lif up you guys from da time you wen born.

Isaiah 46:3 ပူးပေါင်းရင်းမြစ်များ

Songs 28:9

Eh! You Da One In Charge! Get yoa peopo outa trouble An give dem da powa fo do Da tings you wen make um fo do, cuz dey yoa guys. So, take kea dem, an back dem up foeva!

Songs 71:6

Was you dat take kea me Even befo I born, You da one wen born me Outa my muddah. You da one I tell Good tings bout, foeva.

Outa Egypt 19:4

You guys see awready wat I wen do to da Egypt peopo. You guys know, was me da One dat bring you guys outa Egypt, jalike I one eagle bird an I carry you guys away from dea on my wings, an I bring you guys ova hea by me.

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 10:20

Dat time goin come, An some a da Israel peopo dat still stay alive Da ones from da Jacob ohana dat get away, Dey no goin trus da Assyria king no moa, Da one dat wen wack um. But dey goin trus Da One In Charge fo real kine, Da One dat stay good an spesho fo da Israel peopo.

Isaiah 10:21

Ony some a da Jacob peopo goin come back hea An trus da Real God dat get all da powa.

Isaiah 10:22

No matta you Israel peopo Get plenny, jalike da sand by da ocean, Ony some a dem goin come back. God tell all da oddas goin come wipe out, Jalike wen da big watta carry um away, Cuz az da right ting fo him do.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 37:4

Maybe yoa God, Da One In Charge, wen hear wat da territorial govna guy tell, an goin do someting. Cuz da govna guy boss, da Assyria king, wen sen da govna ova hea fo make fun a Da One In Charge, da God dat stay alive fo real kine. Da tings dat yoa God, Da One In Charge, wen hear dat guy tell, maybe God goin punish him fo dat. Az why you gotta pray fo da peopo dat still yet goin stay alive afta da Assyria guys do wateva dey goin do.’ ”

Isaiah 4:3

All da peopo dat still yet stay alive inside Jerusalem town, Peopo goin call dem “Spesho fo God” Cuz dea name goin stay write down.

Isaiah 44:21

“So den, you Jacob ohana peopo, No foget all dis stuff! Cuz you guys work fo me, You Israel peopo. I wen make you guys Fo work fo me. You Israel peopo, I no goin foget you guys.

Isaiah 46:12

Lissen to me, you hard head guys, You guys dat no even like try Fo do da right kine stuff!

Isaiah 48:1

You Jacob ohana peopo, Lissen wat I goin tell you guys. You guys get da Israel name too, from yoa ancesta, An you Jerusalem peopo all come from Judah. Wen you guys make one strong promise, You use Da One In Charge name. You tell da God dat Israel wen pray to Fo him make shua you do wat you wen promise fo do. Still yet, you guys no mean wat you tell, An you no do wass right.

Isaiah 51:1

Da One In Charge tell: “Lissen to me, You guys dat like do da right kine stuff, An like know Da One In Charge. Tink bout wea you guys come from, Jalike somebody wen cut one small rock Outa one cliff, O jalike somebody cut one stone block From inside one quarry.

Isaiah 51:7

“ ‘Lissen to me, you guys dat know wass right. You peopo dat get my Rules inside you, No sked if peopo try fo make you guys shame! No lose fight if dey talk any kine to you guys!

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Rules Secon Time 1:31

An inside da boonies, you guys wen see God, Da One In Charge, take kea you guys, jalike one faddah carry his boy inside his arms. He bring you guys all da way to dis place.