Isaiah 45:9 - Hawaii Pidgin Bible

⁹ “Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Isaiah 45:9 ပူးပေါင်းရင်းမြစ်များ

Job 10:9

No foget dat you wen make me Jalike I da clay fo make one pot. Now you goin change me Fo come dirt one mo time, o wat?!

Job 33:13

How come you squawk to him? Cuz he no ansa nobody dat argue wit him!

Job 40:2

“Eh you! Da guy dat make argue wit me! Me, Da God Dat Get All Da Powa! You stay tell me I wrong, o wat?! You da one dat poin finga me! I like you ansa me!”

Job 9:12

If he grab someting, nobody can stop him, you know. No mo nobody goin aks him, ‘Eh! Wat you stay do, aah?!’

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Teacha 6:10

Wateva get, awready get one name, An erybody know how peopo stay. An nobody can make argue Wit somebody dat argue mo betta den dem.

Isaiah 10:15

You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 29:16

You guys make eryting all kapakahi! You tink da guy dat make clay pots He jalike da clay? You tink da ting somebody make Goin tell bout da guy dat make um, “Eh! He neva make me!”? You tink da pot goin tell bout da guy dat make um, “Eh! He donno notting!”?

Isaiah 45:10

Bummahs! fo da bebe dat aks his faddah guy, ‘Wat kine bebe you stay making?!’ Bummahs! fo da bebe dat aks da muddah, ‘Wat kine bebe you goin born?!’ ”

Isaiah 64:7

No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

Jeremiah 18:6

“You Israel peopo, how come you guys tink I no can make wit you guys jalike dis guy make wit da clay pot?! Fo me, you guys jalike da clay dis guy use fo make clay pots wit his hands.

Jeremiah 36:29

An tell Jehoiakim, da king fo da Judah peopo: ‘Dis wat Da One In Charge tell: You wen burn dat roll up kine book. An you wen tell, “How come you wen write dat fo shua, da Babylon king goin come an wipe out dis land an kill da peopo an da animals inside um?!”

Jeremiah 50:24

You Babylon peopo, you wen go fight me, Da One In Charge! Az how come I wen make one trap. An da trap wen catch you guys, An you neva know, had one trap!

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?