Isaiah 45:25 - Hawaii Pidgin Bible

²⁵ But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Isaiah 45:25 ပူးပေါင်းရင်းမြစ်များ

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

1 Corint 6:11

Dass how some a you guys was befo time. But God, he make you guys come clean from all da bad kine stuff you wen do. He make you guys come spesho fo him an make you guys get um right wit him. All dat happen cuz you guys stay tight wit Da One In Charge. Az Jesus, God Spesho Guy. An you stay tight wit oua God Spirit too.

1 Corint 1:31

So den, jalike da Bible tell befo time: “Anybody like talk big, mo betta dey ony talk big bout Da One In Charge erytime, an not talk big bout ony dem!”

Rome 8:30

Da peopo God wen pick befo time, he tell um fo come be his guys. An dose same guys, God make um get um right wit him, an he make um come awesome jalike him.

Rome 8:1

So den, God no goin punish da peopo dat stay tight wit Jesus Christ!

Rome 5:1

Cuz us guys trus God, az why God tell us guys we get um right wit him. Us pono wit him, cuz a wat Jesus wen do, Da One In Charge a us guys.

Rome 4:16

Dass why mo betta trus him. God like do plenny good tings fo da peopo dat trus him. Az why we know da promise God wen make stay solid fo all us guys dat come from Abraham. Dis not ony fo da peopo dat get da Rules From God, but da peopo dat same time trus God jalike Abraham. Cuz he jalike da faddah fo all us guys.

Isaiah 65:23

Dey no goin bus ass fo notting. Dey no goin born kids an bad kine stuff happen to da kids. Cuz me, Da One In Charge, I do plenny good kine stuff fo da peopo An fo dea kids an all da oddas dat goin come from dem.

Isaiah 65:9

I goin make da Jacob ohana get mo plenny kids. I goin make one guy from da Judah ohana Own my mountains, Cuz he wen get um from his ancesta guys. Da peopo I pick goin own da mountains Dat come from dea ancesta guys. My worka guys goin go dea Fo live.

Isaiah 61:9

Da peopos in da diffren countries Goin know who da ones dat come from my peopo. Erybody dat see dem goin tell Dat dey da ohana Dat Da One In Charge do good tings fo dem.

Isaiah 45:24

Dey goin tell dis bout me, ‘Fo shua, ony one way fo do da right kine stuff, Ony one way fo stay strong: Gotta stay tight wit Da One In Charge!’ But erybody dat come huhu wit Da One In Charge Dey gotta go in front him, An dey goin come plenny shame.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Songs 64:10

Da peopo dat stay do wass right, Dey goin stay real good inside Cuz a Da One In Charge. Dey goin stay tight wit him, So den he no goin Let notting hurt dem. Erybody dat get One good heart fo do wass right, Dey goin tell dat Da One In Charge, He da bestes!

Songs 22:23

I goin tell um: “All you peopo dat get choke respeck fo Da One In Charge, Tell good tings bout him! All you peopo dat come from oua ancesta guy Jacob, Show Da One In Charge dat you know he importan! All you Israel peopo from da Jacob ohana, Stay sked a him!

1 Records 16:13

All you peopo dat come from Israel Dat was one worka guy fo Da One In Charge, Dass all you guys dat get Jacob fo yoa ancesta, An Da One In Charge wen pick you guys.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Galatia 6:14

But me, I ony goin talk big bout how Da One In Charge, Jesus Christ, wen mahke on top da cross. No way I eva goin talk big bout odda stuff cuz Christ wen mahke on top da cross. Az why fo me, jalike all da bad kine tings inside da world stay mahke awready, an dey no mo powa ova me. I no goin like do um, cuz jalike I stay mahke die dead fo dem tings.

2 Corint 10:17

You know, da Bible tell, “Da guy dat talk big, let um talk big bout Da One In Charge.”

2 Corint 5:21

Christ, he neva do notting bad, but God wen make him take inside him all da bad kine stuff us guys wen do. God wen do dat fo us guys come pono, jalike God stay pono. Dass wat Christ wen do.

1 Kings 8:32

Den I like you lissen from da sky An judge wat da guy dat swea to you tell, An wat da odda guy tell. Fo da one dat wen do someting bad, Make da bad ting he wen do Come back an hurt him. An fo da one dat do da right ting, Show um dat he get um right wit you, Cuz wat he do, az wass right.

Isaiah 26:2

Open da town gates An let oua peopo go inside, Da ones dat do da right kine stuff An do wateva dey make one promise fo do.

Isaiah 28:5

But dat time, Da One In Charge, Da God Ova All Da Armies, He goin come jalike da nice looking haku lei An jalike one awesome crown Fo da Israel peopo dat still stay alive dea.

Isaiah 50:8

Da One dat goin show peopo dat I stay right, He stay nea me. Whoeva like poin finga me, I like fo him an me stan togedda in front da judge! Let him come in front me fo him tell me!

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Isaiah 60:19

You guys no goin get da sun fo light day time. Da moon no goin shine fo make um bright fo you guys. Me, Da One In Charge, I goin be da light fo you guys foeva. I yoa God, an I goin make awesome kine fo you guys.

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.

Jeremiah 4:2

Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”

Jeremiah 33:16

“Dat time, da Judah peopo no goin be slaves no moa. Da Jerusalem peopo goin make house An no need worry somebody goin hurt um. Dey goin give Jerusalem town one name dat mean, ‘Da One In Charge, da one dat do right fo us guys erytime.’