Isaiah 45:19 - Hawaii Pidgin Bible

¹⁹ I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Isaiah 45:19 ပူးပေါင်းရင်းမြစ်များ

1 Records 28:8

“So now I tell all you guys dis, in front da Israel peopo dat come togedda fo Da One In Charge, an in front oua God dat hear me: You guys, make shua you do all da tings dat yoa God, Da One In Charge, tell you fo do. If you do dat, den you goin own dis good land, an layta pass um on to da ones dat goin come from you guys, foeva.

2 Records 15:2

Azariah go out fo meet Asa wen Asa come back from fight da Sudan guys. Azariah tell, “King Asa an all you Judah an Benjamin peopo, lissen me! Da One In Charge stay tight wit you guys all da time you stay tight wit him. If you like know him, he goin let you guys come fo know him. But if you bag from him, he goin bag from you guys.

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Ezra 8:22

I shame aks da King fo sen army guys an horse rida guys fo go wit us an make shua nobody come agains us guys wen we stay go. Cuz us guys wen tell da King befo time, “Oua God, he stay take kea all da peopo dat stay pray to him, but he stay real huhu agains all da peopo dat stay ack jalike he notting.”

Songs 12:6

An you know, wen Da One In Charge make one promise, Eryting he tell, stay right on, Jalike da kine silva dey melt seven time Fo take out all da junks.

Songs 24:6

Dey da kine peopo dat like go In front God, Da kine peopo dat like stay Nea da God Jacob wen pray to.” (Time out fo da music.)

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Songs 69:32

Da peopo dat stay suffa, Goin see wat stay happening, An dey goin stay good inside Cuz a dat! All you peopo dat like find God, You goin get one good life cuz a dat!

Songs 78:34

But afta God kill some a dea peopo, Da ones dat still stay alive Change dea mind. Dey like know God Jalike dey wen know um befo time.

Songs 9:10

Eh! You Da One In Charge! Da peopo dat know wat kine god you, Dey trus you, Cuz you no bag From da peopo dat aks you fo help um.

Smart Guys 1:21

She stan on top da main streets wit choke plenny peopo an yell to erybody, She talk to da peopo dat hang out wit da town leadas, Ova dea by da big gate fo da town. She tell:

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Smart Guys 30:5

Eryting God tell, You know az true Wen you trus him fo take kea you. He jalike one shield fo you no get hurt.

Smart Guys 8:6

So lissen up! Cuz I goin talk strait to you guys. Wen I open my mout, you goin hear stuff dat stay right on.

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Isaiah 43:12

I wen tell da peopo wassup, An get um outa trouble, An make shua dey hear all dis. No was some odda god from anodda place Dat do all dat stuff. An you guys, you can tell dem ova an ova Wat you wen see me do, Dat I da God fo real kine.” Az wat Da One In Charge tell.

Isaiah 44:8

Eh my peopo! No shake an no come sked! I wen tell you guys bout dis long time befoa. I wen tell you guys how stay. You guys can tell wat you know bout me. You tink get anodda god jalike me?! No! No mo no anodda god dat stay strong an solid, Jalike one big rock. I know, no mo anodda god lidat!

Isaiah 45:23

I wen make one strong promise, An I goin make shua da ting happen. Me, I make dat promise Cuz I do da right ting erytime, An wat I stay promise, nobody can change um. Erybody goin go down on top dea knees Fo show dey get respeck fo me. Erybody goin make one strong promise An aks me fo make shua dey do um.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Isaiah 48:16

Go come nea me, you guys, An lissen dis. From da firs ting I tell, till now, I neva hide wat I tell. Wen da ting happen, I stay dea.” An now, Da One In Charge a me Sen me, Isaiah, fo tell dis, An he sen his Spirit too.

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Isaiah 65:9

I goin make da Jacob ohana get mo plenny kids. I goin make one guy from da Judah ohana Own my mountains, Cuz he wen get um from his ancesta guys. Da peopo I pick goin own da mountains Dat come from dea ancesta guys. My worka guys goin go dea Fo live.

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Jeremiah 2:31

You peopo dat live nowdays, Tink bout wat I tell! Dis me, Da One In Charge! You Israel guys tink I jalike da empty boonies fo you, O I jalike one land wea eryting stay real dark, o wat? How come my peopo tell, “We goin go wea eva we like go! No way we goin go back by you no moa!”?

Amos 5:4

Dis wat Da One In Charge tell da Israel ohana: “Eh! Go come back by me an be my guys, Fo me help you, aah? Den you guys goin stay alive an no mahke.

John 18:20

Jesus tell him, “I wen talk wea erybody can hear me. Erytime I teach inside da Jew churches an inside da open lanai fo da Temple. I neva tell notting secret kine.

John 7:26

But, wow! He stay talk hea in front erybody, an nobody tell him fo shut his mout. Wat you guys figga? You tink maybe da leada guys wen figga dat dis guy, he da Spesho Guy God Goin Sen, fo real kine, o wat?!

John 7:28

Jesus stay teach inside da open lanai fo da Temple. Wen he hear dem guys tell dat, he talk real loud an tell, “You guys tink you know me, an wea I wen come from? I neva come hea jus fo do wat I like do. Da One dat wen sen me, he God fo real kine! You guys donno him.

Rules Secon Time 29:29

Moses tell: “Get tings dat oua God, Da One In Charge, no show us. He know um, but he no show us guys. But da tings he stay show us, dass da kuleana fo us guys an oua kids foeva. So den us guys gotta follow all da rules he teach us fo do.”

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

James 4:3

Yeah, you aks fo um, but still yet you no get um, cuz inside you no stay right. Da kine stuff you stay aks fo, az ony fo make you feel good, az why.