Isaiah 45:13 - Hawaii Pidgin Bible

¹³ Wen I make Cyrus do stuff, Az da right ting fo me do. I goin make um easy fo him do um. He goin build my big town Jerusalem one mo time. He goin let my peopo dat was prisonas Go back home. But wen Cyrus go do all dat, He no do um cuz I goin pay um fo dat, Cuz I no goin pay um. He no goin do um fo unda da table kine money, Cuz I no goin give um dat.” Dass wat Da One In Charge tell, Da God Ova All Da Armies.

Isaiah 45:13 ပူးပေါင်းရင်းမြစ်များ

Ezra 1:3

All you peopo dat stay pray to God, Da One In Charge, go back now Jerusalem town inside Judah fo build da Temple Fo Da One In Charge. He da God fo da Israel peopo an he stay live inside Jerusalem. An I like fo yoa God stay wit all you guys!

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Smart Guys 3:6

Wateva you do, tink bout God an wat he like you fo do, Den he goin make shua notting goin jam you up.

Isaiah 13:17

“But you know wat I goin do?! I goin make da Mede peopo go agains da Babylon guys. Da Mede guys, dey ony like win. You give um silva kine stuff, but dey no kea fo dat. You give um gold, but dat no make dem stay good inside.

Isaiah 14:17

He make da earth come all empty An bus up all da towns. He no even open da door Fo let da prisona guys go home!”

Isaiah 41:2

“Me, Da One In Charge, I make one guy from da east side Ready fo fight. I tell um fo come work fo me, Fo make right tings happen! Az me, Da One In Charge, dat give him da peopos Inside plenny countries. I let him take ova da kings ova dea. Weneva he use his sword, Erybody he wack, come jalike dirt. Wit his bow an arrows Erybody he wack, Come jalike da junk kine stuffs from da wheat.

Isaiah 41:25

“I wen make one guy come from da north side. He come dea from da place wea da sun come up. He know my name cuz he know who me. Dis guy walk all ova da guys in charge a da countries, Jalike dey mud, Ready fo make pots wit da clay.

Isaiah 42:6

“Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations.

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Isaiah 45:2

Goin be me dat go in front you, Jalike I goin make da mountains come flat Fo come easy fo you go. I goin broke down da bronze town gates. I goin cut thru da iron bars.

Isaiah 46:11

I call one eagle from da east side— Az one guy from one far place— Fo him do wat I wen make one plan fo do. Fo shua, wat I tell I goin do, I make one plan fo do um, an I do um!

Isaiah 49:25

But dis, da message from Da One In Charge: “Fo shua, I goin let da prisona guys go From da strong army guys dat wen catch um! Da stuff dat da leada guys steal, I goin get um back! I da One goin fight da guys dat fight you guys. I da One goin get yoa kids outa trouble.

Isaiah 52:5

An now, Da One In Charge tell: “Now, wat I get hea?! Da Babylon peopo take away my peopo An dey no pay me notting fo dem. Da guys dat stay lead da Babylon peopo yell plenny. An all day dey talk bad bout who me.

Micah 4:10

Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.