Isaiah 45:12 - Hawaii Pidgin Bible12 I da One wen make da world. I wen make da peopo an put um on top dea. Was me, wen stretch out da sky Wit my hands. I tell eryting inside da sky wat fo do. အခန်းကိုကြည့်ပါ။ |
“You Da One In Charge, you da ony one! You wen make da sky, an even da mos high part a da sky. You wen make da sun an da moon an all da stars, jalike one army. You wen make da world an eryting dat stay live on top. You wen make da ocean an eryting dat stay inside dea. You da one dat wen make all da animals an plants an fish an peopo stay alive, An erybody dat stay inside da sky stay show you love an respeck!”
“Eh! You, Da One In Charge! You, da God Ova All Da Armies. You da God fo us Israel peopo. You get yoa spesho place right hea inside dis Temple, inside da spesho room wit da awesome angel watcha guys on top da Box. You da ony One dass God fo real kine, cuz you da God ova all da kings an dea peopos all ova da world. Was you, da One dat wen make da sky an da earth.
Az cuz Da One In Charge get dis spesho message, Da One dat wen make da sky, Da One dass God fo real kine! He da One wen plan an make da world. He make um solid. He neva make um so no mo notting dea. He make um fo peopo live dea. Dis wat Da One In Charge tell: “Me, Da One In Charge. No mo anodda one like me!
How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!