Isaiah 45:1 - Hawaii Pidgin Bible

¹ Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Isaiah 45:1 ပူးပေါင်းရင်းမြစ်များ

1 Kings 19:15

Da One In Charge tell Elijah, “Go back, da same way you wen come. From dea, go inside da boonies nea Damascus town. Wen you reach dea, put olive oil on top Hazael head, fo show I stay pick him fo come king fo da Aram peopo.

Ezra 1:1

Befo time, Da One In Charge Inside Da Sky wen tell da guy Jeremiah dat talk fo him fo tell da Israel peopo, “I make dis promise: Bumbye da Babylon peopo goin take you guys away, but I goin bring you back one mo time to yoa land.” Long time afta dat, da firs year dat Cyrus come king fo da Persia peopo, he write one letta an sen um to all da place wea he da king. Da letta tell dis:

Ezra 1:2

“Dis me King Cyrus, da king fo da Persia land. Da One In Charge, da God dat live inside da sky, he wen tell me fo take ova all da odda king guys inside da world. He give me da job fo build one temple fo him, inside Jerusalem town, inside da Judah land.

Job 12:21

He laugh at da alii guys. He take away da powa dat da strong guys get fo fight.

Songs 73:23

But eh Da One In Charge! Still yet, I stay tight wit you, Jalike you stay hold my right hand.

Isaiah 13:2

“Eh you army guys dat goin go afta Babylon town! Put one flag up on top one hill wea no mo tree, Fo yoa odda army guys see um. Yell loud to dem. Wave yoa hand fo tell dem wen fo go inside Babylon, Inside da gate wea da Babylon alii guys stay.

Isaiah 13:3

God wen awready tell da army guys Dat goin do dis spesho job fo him, ‘Come! Go punish da peopo I stay huhu wit! My guys goin feel real good Wen I win dis war!’

Isaiah 41:13

Cuz me, Da One In Charge, I yoa God. I da One stay hold yoa right hand, Da One stay tell you guys, ‘No sked! I goin help you.’

Isaiah 41:2

“Me, Da One In Charge, I make one guy from da east side Ready fo fight. I tell um fo come work fo me, Fo make right tings happen! Az me, Da One In Charge, dat give him da peopos Inside plenny countries. I let him take ova da kings ova dea. Weneva he use his sword, Erybody he wack, come jalike dirt. Wit his bow an arrows Erybody he wack, Come jalike da junk kine stuffs from da wheat.

Isaiah 41:25

“I wen make one guy come from da north side. He come dea from da place wea da sun come up. He know my name cuz he know who me. Dis guy walk all ova da guys in charge a da countries, Jalike dey mud, Ready fo make pots wit da clay.

Isaiah 42:6

“Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations.

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Isaiah 45:5

Me, Da One In Charge! No mo anodda One. No mo anodda God, ony me. I goin make you come strong, Cyrus, Ready fo fight, No matta you donno who me.

Isaiah 48:15

Me, I da One wen tell dis, An I wen call Cyrus awready. I make him go Babylon side, An he goin be da winna ova dea.

Jeremiah 27:6

Now, I give all da countries wea you guys stay king, to my helpa guy Nebukadnezzar, da king fo Babylon. I even give him all da wild animals fo help him!

Jeremiah 43:10

Den tell da Judah guys, ‘Dis wat Da One In Charge, da God Ova All Da Armies, da God fo da Israel peopo, tell: Dis wat I goin do. I goin bring my worka guy Nebukadnezzar, da king fo Babylon, ova hea. I goin put his throne on top dese stones dat I wen bury hea. He goin put up his canopy ova da throne fo make tantaran.

Jeremiah 50:3

Goin get one peopo Come from da north side An attack Babylon town. Dey goin wase da Babylon land. So no mo nobody goin live ova dea. Da peopo an da animals all goin run away from dea, But dey not goin know wea dey going.’ ”

Jeremiah 50:35

Da One In Charge tell: “Goin get war Agains da peopo dat live inside Babylon, An agains dea leada guys An dea guys dat know wat fo do erytime!

Jeremiah 51:11

Da ones dat goin attack Babylon tell, “Make yoa arrows sharp. Fill up yoa arrow bags! Da One In Charge wen put one spirit inside da kings fo da Mede peopo Dat make um like do someting. Az cuz he make up his mind, Fo wipe out Babylon. How come Da One In Charge goin pay dem back, aah? He pay um back Cuz a wat dey wen do to his Temple!

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 51:58

Dis wat Da One In Charge, da God Ova All Da Armies, tell: “Da thick Babylon wall goin come all broke down. Da high town gates goin come all burn up. Plenny nations wen work hard fo build um—fo notting. Wase time, all dose peopos wen work fo make wat da fire goin burn down!”

Ezekiel 29:20

I give Nebukadnezzar da Egypt land fo pay him fo da work he wen do fo me! Dass da message from me Da One In Charge, da Boss.

Daniel 5:6

His eyes come real big, an he come real sked. His knee stay knock togedda, an he come real weak an he stay shake an he no can tink good.

Daniel 7:5

“Den in front me, I see anodda wild animal, numba two, dat look jalike one bear. He sit on his back legs an he get three ribs in his teets. Somebody tell um, ‘Get up! Eat all da meat you like!’

Daniel 8:3

I look up, an dea in front me get one ram wit two horn. He stay stan by da side a da canal. His two horn, real long. One a da horns grow mo long den da odda, but da mo long one start fo grow afta da odda one start fo grow.

Daniel 8:4

I see da ram smash eryting wit his horns, west side, north side, an south side. No mo anodda animal can stan in front him. No mo animal can run away from him. He do wateva he like an he get mo an mo plenny powa.

Nahum 2:6

Da gates fo da riva dams come open, An da palace wall fall down.

Nahum 3:13

Look yoa army guys! Dey weak, jalike da wahines! Da gates inside yoa land, Dey stay wide open fo da guys dat stay agains you come inside! Da fire goin burn up da bars fo lock da gates.