Isaiah 44:3 - Hawaii Pidgin Bible

³ I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 44:3 ပူးပေါင်းရင်းမြစ်များ

Job 5:25

You goin know dat you get plenny kids. Da ones dat goin come from you goin be plenny, Jalike da grass on top da groun.

Songs 107:35

God make da dry boonies get watta pond all ova, An da land wea no mo rain get pukas wea da watta come out.

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Smart Guys 1:23

You guys come back da right way an lissen, I goin tell you fo real kine wass wrong! An ho! I tell you wat stay inside me, Da kine stuff dat befo time I no can tell you. An I goin help you fo undastan wat I tell.

Isaiah 27:3

Da One In Charge tell, “Me, Da One In Charge, I da One Stay take kea my peopo, Jalike da guy dat stay watch da grape plants An give um watta all da time. I take kea my peopo, day time an nite time, Fo make shua nobody jam um up.

Isaiah 32:15

Eryting goin stay lidat Till da Spirit from da sky come An take charge us guys. Dat time, da place wea nobody live, Goin get fields wea plenny stuff grow. Da field wea peopo tink plenny stuff grow now, Dat time dey goin tink, Look jalike one fores.

Isaiah 32:2

Da king goin be da kine guy Dat goin be jalike one place Fo da peopo hide From da strong wind o da rain, So no can wack um. He goin help da peopo fo res, Jalike one watta ditch inside one dry place, An jalike one big rock Dat make one big shadow In da place wea no mo watta.

Isaiah 41:17

“Da peopo dat get hard time An need somebody fo help dem, Dey look fo watta, but no moa. Dea tongue all dry up Cuz dey thirsty. But me, Da One In Charge, I goin do someting fo help dem. Me, da God fo da Israel peopo, I no goin go way an leave um!

Isaiah 48:19

I wen like fo yoa kids come plenny Jalike da sand on top da beach Dat no mo nobody can count, But dey no goin come plenny! I wen like fo dem no come wipe out foeva An no get cut off from me, But now, dey goin come wipe out! Dass wat Da One In Charge tell.

Isaiah 48:21

Da time Da One In Charge take oua peopo Thru all da dry places, Dey neva come thirsty. He make da watta come outa da big rock fo dem. He broke da rock, an da watta pour out.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Isaiah 55:1

Da One In Charge tell: “Hui! All you peopo dat need help, come! I tell da peopo dat stay thirsty, Fo go come by me an I give you watta! No matta you guys no can pay, Go come get wheat fo you eat! Go come get wine an milk! No matta you no can pay, No goin cost you notting!

Isaiah 59:21

Da One In Charge tell: “Dis, da deal I make Fo da peopo dat stay my side. My Spirit stay in charge a you guys, An da tings I give you guys fo tell— All dat no goin go way from you guys. You goin tell um erytime. An yoa kids goin tell um erytime. An dea kids goin tell um erytime From now an foeva.” Dass wat Da One In Charge tell.

Isaiah 61:9

Da peopos in da diffren countries Goin know who da ones dat come from my peopo. Erybody dat see dem goin tell Dat dey da ohana Dat Da One In Charge do good tings fo dem.

Isaiah 65:23

Dey no goin bus ass fo notting. Dey no goin born kids an bad kine stuff happen to da kids. Cuz me, Da One In Charge, I do plenny good kine stuff fo da peopo An fo dea kids an all da oddas dat goin come from dem.

Ezekiel 34:26

I goin do good tings fo my peopo, an fo all da place aroun da hill dat stay spesho fo me. I goin bring rain an dis goin be good fo da peopo.

Ezekiel 36:27

An I goin put my Spirit in charge a you guys. He goin make you like live da way I tell you gotta live. Dass how you goin make shua you do wat my rules tell you fo do.

Ezekiel 39:29

I no goin hide from dem no mo cuz I goin give da Israel ohana peopo my Spirit, jalike I pour watta on top dem. Az wat me Da One In Charge, da Boss, tell.”

Ezekiel 47:8

Den he tell, “Dis watta go east, den go down inside da Arabah Valley, an from dea go inside da Big Salt Lake. An wen da watta from da Temple reach da Big Salt Lake, den da lake watta goin come fresh.

Hosea 10:12

Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Joel 2:27

Den you Israel peopo goin know dat I stay wit you guys. I yoa God, Da One In Charge. No mo anodda god. You guys my peopo, an you no goin come shame one mo time.

Joel 2:28

An afta dat, I goin make my Spirit take charge all da peopo. Yoa boys an girls goin talk fo me. Yoa ol guys goin dream plenny dream. Yoa young guys goin see spesho tings jalike dreams.

Joel 3:1

Da One In Charge tell, “You know wat?! Dat time, I goin bring back all da good kine tings Dat belong to da Judah an Jerusalem peopo.

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Micah 5:7

All da peopo from da Jacob ohana Dat stay alive still yet, Dey goin live togedda wit plenny diffren peopos. Dey goin be jalike dew from Da One In Charge, An rain on top da grass. Cuz nobody can hold back da dew, An da rain come from Da One In Charge, Not from peopo!

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Matthew 12:43

“Wen one bad kine spirit no bodda one guy no moa, dat spirit go all ova da boonies fo find one place fo res, but da spirit no can find notting.

Jesus Guys 10:45

Da Jew guys dat trus Jesus, da ones dat come wit Peter, blow dea mind cuz God Good An Spesho Spirit take charge a even da peopos dass not Jew guys.

Jesus Guys 2:17

“God tell, “ ‘Dis wat I goin do befo da world goin come pau, I goin make my Spirit take charge a all da peopo. Yoa boys an yoa girls goin talk fo me. Yoa young guys goin see spesho tings. An yoa ol guys goin dream plenny dreams.

Jesus Guys 2:33

God put him in da mos importan place by his right side, an he get da Good An Spesho Spirit, da One God wen promise. He make his Spirit take charge a us guys too, an dass wat you see an hear now.

Jesus Guys 2:39

He wen promise all dat fo you guys an yoa kids, an fo all da peopo dat no stay tight wit God—all da ones Da One In Charge goin tell fo come to him, dass oua God.”

Jesus Show 21:6

Den he tell me, “Dass it! Eryting pau! Me, da One wen do all dese tings, from firs to las, A to Z. Whoeva stay thirsty, I goin give um watta fo drink from da puka fo da watta dat make peopo get life fo real kine, an no need pay.

Jesus Show 22:17

Bumbye da peopo dat stay spesho fo God goin come togedda wit me, jalike wen one wahine marry one guy. So da Good An Spesho Spirit an God peopo, dey tell, ‘Try come!’ Erybody dat hear dat, tell ‘Try come!’ too. Whoeva stay thirsty let um come, an whoeva like, let um take da watta dat make um come alive fo real kine, an no goin cost dem notting.”