Isaiah 43:3 - Hawaii Pidgin Bible

³ Cuz me Da One In Charge, Da God fo all you guys. I da Spesho One fo da Israel peopo Dat get you guys outa trouble. I wen give Egypt fo pay So you no gotta be one slave, An Sudan an Yemen too.

Isaiah 43:3 ပူးပေါင်းရင်းမြစ်များ

Start 10:7

Da ohana dat come from Cush: Seba, Havilah, Sabtah, Raamah, an Sabteka. Da ohana dat come from Raamah: Sheba an Dedan.

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Outa Egypt 10:7

Da palace guys tell da Pharaoh guy, “Eh! Jalike dis guy catch all us guys inside one trap you know. Till wen we goin stay lidat, aah? Mo betta let da peopo go way fo make one religious kine ceremony fo dea god, Da One In Charge! You donno yet dat da Egypt land stay poho awready, o wat?”

Outa Egypt 20:2

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Smart Guys 11:8

Da peopo dat stay do wass right erytime, God take dem away from da place wea get trouble. Cuz az wea da bad guys stay end up.

Smart Guys 21:18

Da bad kine peopo goin suffa, Fo da peopo dat do wass right erytime Get outa trouble. An da peopo dat nobody can trus, Dey goin suffa, fo da peopo dat do da right ting Get outa trouble.

Isaiah 19:20

Da altar an da stone goin be one sign fo show wat Da One In Charge A All Da Armies stay do inside da Egypt land. Wen God peopo yell to Da One In Charge fo help dem cuz odda peopo put plenny presha on top dem, he goin sen one guy fo get dem outa trouble, az somebody dat goin fight fo dem an get dem outa dea fas.

Isaiah 20:3

Laytas, Da One In Charge tell, “Wat my worka guy Isaiah wen do, go naked an barefeet fo three year, az jalike one sign fo blow da peopo mind bout wat goin happen to da Egypt peopo an da Sudan peopo.

Isaiah 30:11

Go find anodda way fo how you talk! Go pick one diffren road! No tell us we gotta come in front God, Da One dat stay good an spesho fo da Israel peopo!’ ”

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 42:8

“Me, Da One In Charge. Dass my name—‘Da One Dat Stay’! I no goin let nobody tink Dey awesome jalike me. I no goin let da peopo tell good kine stuff Bout da idol kine gods Jalike dey tell bout me.

Isaiah 43:11

Me, Da One In Charge. No mo odda gods dat can get peopo outa trouble, Ony me can!

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 45:15

“Fo shua, you one god dat go hide. You da God fo us Israel peopo. Da One dat stay get us outa trouble.

Isaiah 45:21

Eh, you guys dat pray to da wood kine gods! Tell me how come you do dat. Go come ova hea by me Fo us figga out wat you like tell me. So! Who wen let peopo hear all dis From befo time, long time befo time? Az was me, Da One In Charge, I da One wen tell all dis. Cuz no mo anodda god dat stay fo real, I da ony One! I da God dat do da right ting erytime, An get peopo outa trouble. No mo anodda one can do dat, ony me.

Isaiah 49:26

I goin make da guys dat give you guys hard time Eat dea peopo. Dey goin come piloot Cuz dey drink dea blood jalike az was wine. Den da peopo from all ova da world goin know Dat me Da One In Charge, da One dat get you guys outa trouble. I pay da price fo do dat. I da Strong God, da One Jacob wen pray to.”

Isaiah 60:16

Da peopo from odda countries an dea king guys Goin make you guys come strong, Jalike one muddah breas feed her bebe Fo make um come strong. An you guys goin know dat me, Da One In Charge, I da One dat get you guys outa trouble. I da One dat pay da price Fo you guys no come slaves no moa. I da Strong One fo da Jacob peopo.

Isaiah 63:8

He tell, ‘Fo shua, da Israel ohana, Dey my peopo. Dey my kids, An dey no goin go agains me.’ Az why Da One In Charge, he da One Dat get his peopo outa trouble.

Jeremiah 14:8

You da One us Israel peopo wait fo. You da One stay get us outa trouble Wen we get hard time. So! How come you ack Jalike one guy from anodda place dat donno us?! How come you ack Jalike you ony stay hea one nite?!

Jeremiah 16:21

An Da One In Charge tell me, Jeremiah: “Az why, dis time, I da One goin make all da countries know How strong I stay, An I not sked a notting! Den dey goin know Wat kine God me, Da One In Charge!”

Ezekiel 39:7

“I goin make shua my Israel peopo know who me, dat I stay good an spesho. I no goin let nobody give me one pilau name no moa. All da nations goin know me, Da One In Charge, da Good An Spesho One fo da Israel peopo!

Hosea 13:4

Da One In Charge tell, “But me Da One In Charge, I yoa God. I wen bring yoa ancesta guys outa Egypt. You guys betta not know any odda god, ony me. Me, da ony One can get you guys outa trouble.

Prieses 11:44

Cuz me, I yoa God, Da One In Charge. Come spesho fo me, an stay spesho fo me, cuz I stay spesho. No make um so you no can come in front me, cuz you touch any a da small animals dat run aroun togedda on top da groun.

Amos 9:7

Dis wat Da One In Charge tell: “Eh you Israel peopo! Fo shua, I no make diffren to you guys An to da peopo from da Sudan land! I wen bring you Israel peopo up hea outa da Egypt land, I wen bring da Filisha peopo from Crete Islan too, An da Aram peopo, I wen bring dem from Kir side.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Jude 1:25

He da ony God! He da One take us outa da bad kine stuff. We gotta tell how awesome he stay. He da Big King, An he get all kine powa fo do watevas. Da One In Charge, az Jesus Christ, Make eryting come pono Befo time, An now, An foeva. Dass right!