Isaiah 43:16 - Hawaii Pidgin Bible

¹⁶ Dis one message from Da One In Charge, Da One wen make one road in da middo da Red Sea, One place fo da Israel peopo go Inside da danger watta.

Isaiah 43:16 ပူးပေါင်းရင်းမြစ်များ

Nehemiah 9:11

You open up da sea in front dem Fo dem go inside da middo a da Red Sea On top dry groun. But da guys dat was chasing dem, You throw dem down inside da deep watta, Jalike wen you throw one rock inside da rough ocean.

Songs 106:9

God tell da Red Sea Fo no ack jalike one ocean, An da place come dry. He make da peopo walk On da floor a da ocean Jalike dey walk thru da boonies.

Songs 77:19

Da way you wen go was right thru da ocean. Yoa road, wea get da big watta, Nobody know az was yoa footprints.

Songs 77:20

You wen show yoa peopo wea fo go Jalike one sheep guy. You wen use Moses an Aaron Fo do all dat.

Songs 78:13

God wen split open da Red Sea An take da peopo thru da middo To da odda side. He wen make da watta pile up Dis side an dat side Jalike had one dam dea.

Outa Egypt 14:16

You take yoa stick fo walk, an hold um out ova da sea fo make da watta go one side an da odda side. Den da Israel peopo goin go thru da middo a da Red Sea, an da groun in da middo goin be dry.

Outa Egypt 14:29

But da Israel peopo, dey walk thru da Red Sea from one side to da odda side, an da groun stay dry, an da watta stay jalike two wall fo dem, right side an lef side.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Isaiah 44:27

I da One tell da deep ocean, ‘Come dry! I goin make yoa channels all dry.’

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 51:10

You da One wen make da ocean dry up, No matta stay deep, an get plenny watta. Was you wen make one road Inside all da deep place, Fo yoa peopo go ova da odda side Afta you get da ones outa Egypt dat you wen free up.

Isaiah 51:15

Cuz me Da One In Charge, yoa God, I make da ocean come rough So da waves make big noise. Me, Da One In Charge, Da God Ova All Da Armies. Dass who me.

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Jesus Show 16:12

Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.