Isaiah 42:9 - Hawaii Pidgin Bible

⁹ All da stuff from befo time, happen awready. Now, goin get new kine stuff, An I da One tell bout um. Befo watevas start fo happen, I let you guys hear bout um. Jalike da seed stay inside da groun awready Befo da plant start fo grow.”

Isaiah 42:9 ပူးပေါင်းရင်းမြစ်များ

1 Kings 11:36

I jus goin leave da Judah ohana an anodda ohana fo Solomon boy. Cuz I like fo my worka guy David erytime get one guy dat come from him, Jerusalem side, fo show my peopo wea fo go, jalike one olive oil lamp dat goin burn in front me foeva. Az cuz I wen pick Jerusalem town fo be da place wea erybody can find out wat kine god me.

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Isaiah 48:3

Da One In Charge tell: “Long time befo, I wen tell All da firs tings dat goin happen. I wen make shua peopo hear bout um. Den, wen I stay ready, Right den an dea I do um, An da tings I wen tell, wen happen.

Isaiah 48:5

Az why I wen tell you guys all dis stuff Long time befo time, befo wen happen. I wen make shua you guys hear um, So den you guys no can tell, ‘Az was my idol kine god dat do um, My wood kine god an my metal kine god, Dey da one tell fo make um happen!’

Isaiah 48:6

You guys wen hear all dis stuff. Look, an tink bout um! How come you guys No tell az true, dat?! “An from now, I goin tell you guys new kine stuff, Secret kine tings dat you neva know befo time.

John 13:19

I stay tell you guys dis now, befo he do um, so wen he do um, you guys goin know fo shua dat I God Spesho Guy.

Jesus Guys 15:18

Dass wat Da One In Charge tell, He da One dat do all dis stuff An he tell us dis long time befo time.’ ”

Joshua 21:45

All da good kine stuff Da One In Charge wen make one promise fo do fo da Israel peopo, he do um all. No mo notting dat he neva do!