Isaiah 42:7 - Hawaii Pidgin Bible

⁷ Wen I tell ‘light,’ dis wat I mean: Jalike you goin open da eyes Fo peopo dat no can see, Jalike you goin take out da peopo Inside one prison unda da groun, Da ones dat stay inside one dark place.

Isaiah 42:7 ပူးပေါင်းရင်းမြစ်များ

Songs 97:7

All da ones dat get Idol kine gods fo dea boss, Goin come shame! All da ones dat stay talk big Bout dea idol kine statues, Same ting! Eh, all you gods! Put yoa face on top da groun Fo show respeck fo da God dass fo real!

Isaiah 29:18

Dat time, da peopo dat no can hear, Dey goin hear wat one roll up paypa tell. Da guys dat no can see, an see ony dark kine stuff now, Dat time dey goin see No matta dark all aroun dem.

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 42:22

But dis Israel peopo, Odda peopo wen rip off an steal An take away dea stuffs. Jalike all a dem stay down Inside one deep hole an no can come out, O peopo hide um inside da jail. Odda peopo make dem dea slave, An no mo nobody fo get dem outa dea. No mo nobody fo tell, “Give back da stuffs you wen rip off!”

Isaiah 49:9

An I goin tell da prisona guys, ‘Go come! Go outside!’ An I goin tell da peopo Dat stay inside one dark place, ‘Go! You guys not prisonas no moa!’ “Jalike da sheeps an da goats, Dey goin find dea food by da side a da road, An on top da hills wea no mo tree.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Micah 7:9

I gotta hang in dea now, Cuz Da One In Charge stay huhu an goin punish me, Cuz I wen do bad kine stuff agains him. But afta dat, he goin talk fo me in front da judge, An make right all da bad kine stuff Dat da guys dat stay agains me wen do. Jalike he goin bring me out wea get light, An I goin see dat he stay do wass right.

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.

Luke 24:45

Den he help dem undastan da Bible.

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

John 9:7

Den Jesus tell um, “Go, wash yoa face inside da Siloam watta place.” (Siloam mean, “Dey Sen Watta Dea.”) Az why da guy go ova dea an wash his face, an wen he go home, he can see!

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

2 Timoty 2:26

Den dey goin come smart an get outa da trap dey stay in, cuz da Devil wen catch um an make um do wat he like fo dem do.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

Jesus Show 3:18

“ ‘Now I goin tell you guys wat I like you guys fo do. Fo come rich inside, come by me an get da stuff you guys need. Dass jalike you guys goin buy da bestes kine gold, da kine dat dey put inside da fire fo take out da junk kine stuff. An den you guys come by me an buy white clotheses fo put on, fo take away da shame, cuz jalike you guys no mo clotheses! An den you guys come by me an buy da kine medicine fo put on top yoa eyes fo you guys see fo real kine!