Isaiah 42:6 - Hawaii Pidgin Bible6 “Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations. အခန်းကိုကြည့်ပါ။ |
Isaiah 42:6
36 ပူးပေါင်းရင်းမြစ်များ
“Me, Da One In Charge, I make one guy from da east side Ready fo fight. I tell um fo come work fo me, Fo make right tings happen! Az me, Da One In Charge, dat give him da peopos Inside plenny countries. I let him take ova da kings ova dea. Weneva he use his sword, Erybody he wack, come jalike dirt. Wit his bow an arrows Erybody he wack, Come jalike da junk kine stuffs from da wheat.
Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!
Wen I make Cyrus do stuff, Az da right ting fo me do. I goin make um easy fo him do um. He goin build my big town Jerusalem one mo time. He goin let my peopo dat was prisonas Go back home. But wen Cyrus go do all dat, He no do um cuz I goin pay um fo dat, Cuz I no goin pay um. He no goin do um fo unda da table kine money, Cuz I no goin give um dat.” Dass wat Da One In Charge tell, Da God Ova All Da Armies.
So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”
Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.
Dey goin learn fo real kine how my peopo suppose to ack. So den wen dey make one strong promise, dey goin tell lidis, ‘Jalike fo shua Da One In Charge stay alive.’ (Az not like befo time, wen da odda peopos wen teach my peopo fo use Baal name wen dey make one promise.) But if dey learn eryting bout me, Da One In Charge, den I goin let dem get da same rights my peopo get.
Dass wat Christ wen do. An dass why Christ stay da middo man fo da New Deal God make wit da peopo. So now, da peopo God tell fo come be his guys, dey goin get eryting dat he wen promise fo give his kids foeva. Az cuz Christ wen go mahke fo cut dem loose from da powa dat da bad kine stuff get ova dem, all da time dey was unda da firs deal.
But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.
ကြော်ငြာတွေ