Isaiah 42:3 - Hawaii Pidgin Bible

³ Wen somebody crush one bamboo litto bit, He no goin broke um, He goin give chance. Wen one candle almos pau burn, He no goin pio um. You can trus him Fo judge peopo da right way erytime.

Isaiah 42:3 ပူးပေါင်းရင်းမြစ်များ

Songs 147:3

Wen dey stay real sore inside, He make um come good one mo time. Jalike he put one bandage On top da place dat stay hurt.

Songs 54:5

Wateva da guys dat like kill me goin do, I like you make dat kine bad stuff Backfire on dem. I stay trus you, so wipe um out!

Songs 94:15

Den bumbye, da judge guys Goin judge da right way, An cuz a dat, All da peopo dat stay pono inside, Dey goin do eryting da right way too.

Songs 96:13

In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

Isaiah 2:4

Wen diffren countries figga diffren kine bout someting, Da One In Charge goin be da judge dat tell who a dem stay right. He goin tell wat peopos stay right An wat peopos stay wrong. Den dey goin take dea swords, An make um come plows. Dey goin take dea spears, An make um come knifes fo prune da plants. Dat time, no mo country goin fight anodda country no moa. Dey no even goin know how fo fight an make war no moa.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 42:2

He no goin yell o talk loud O make big noise on top da streets.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Jeremiah 31:25

Erybody dat come weak cuz dey thirsty, I goin give um plenny fo drink. Erybody dat feel jalike dey goin fall down cuz dey hungry, I goin feed dem plenny.”

Ezekiel 34:16

I goin look fo da lost sheeps, an bring back da sheeps dat get push off da trail. I goin bandage da sheeps dat get hurt, an make da weak ones come strong. But da real momona sheeps an da supa strong ones, I goin wipe dem out. I goin be one pono kine sheep guy an take kea my sheeps da right way.

Micah 7:9

I gotta hang in dea now, Cuz Da One In Charge stay huhu an goin punish me, Cuz I wen do bad kine stuff agains him. But afta dat, he goin talk fo me in front da judge, An make right all da bad kine stuff Dat da guys dat stay agains me wen do. Jalike he goin bring me out wea get light, An I goin see dat he stay do wass right.

Matthew 11:28

“All you guys dat stay work hard an carry heavy kine stuff dat make you come wore out, come! Go come ova hea by me. I goin give you guys res.

Matthew 12:20

Da stick dat ready fo broke, he no goin broke um, Da small fire dat ready fo pio, he no goin put um out, Till bumbye he make erybody do how dey suppose to do.

John 20:27

Den he tell Thomas, “Put yoa finga ova hea an check out my hands. Put out yoa hand, an touch my side. Now, no tell you no stay shua I alive fo real kine. Come shua!”

John 5:30

“Wen I do someting, dass not me, cuz I no can do notting. I da judge, but wen I tell who do good o bad, dat come from wat my Faddah tell me. Dass how come I can judge um right, cuz I no try fo do wat I like do, but ony wat my Faddah like fo me do. He da One dat wen sen me.

Jesus Show 19:11

Den, jalike one dream, I see da sky open up, an dea in front me get one white horse wit one guy on top him. Dey call dat guy Da One Dat Do Wat He Tell He Goin Do an Da One Dat Tell Da Trut. He erytime do wass right, wen he make jalike one Judge, an wen he lead one army fo fight one war.