Isaiah 42:19 - Hawaii Pidgin Bible

¹⁹ Wen I talk bout somebody dat no can see, Who you tink I stay talking bout? I stay talking bout my peopo dat work fo me! Wen I talk bout somebody dat no can hear, Dey da ones I stay sen fo tell my message! Da ones dat get one deal wit me, Fo me make eryting come good fo dem, Dey no see dat. Dey suppose to work fo me, But dey no see notting.

Isaiah 42:19 ပူးပေါင်းရင်းမြစ်များ

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Isaiah 27:5

But even da thorn an sticka kine peopo, Dey can come tight wit me An let me take kea dem too. Dass how dey no need fight wit me no moa, Cuz eryting goin come good wit me an dem.”

Isaiah 29:18

Dat time, da peopo dat no can hear, Dey goin hear wat one roll up paypa tell. Da guys dat no can see, an see ony dark kine stuff now, Dat time dey goin see No matta dark all aroun dem.

Isaiah 41:8

“But you Israel peopo dat work fo me An come from Jacob, I wen pick you guys. You get Abraham fo yoa ancesta, An he my fren.

Isaiah 43:8

“Bring out da peopo dat get eye But dey no can see, An da peopo dat get ear But dey no can hear.

Isaiah 44:26

Wen I tell my worka guy wat fo tell, I do wat I tell him I goin do. Wen my messenja guys make plan, I make shua all dat come out okay. I da One tell dis bout Jerusalem town, ‘Bumbye goin get peopo live ova dea one mo time.’ I tell bout da towns inside Judah, ‘Peopo goin build um up one mo time.’ I tell bout da bus up towns, ‘I goin make dea wall stan up one mo time.’

Isaiah 56:10

“Da guys dat stay lead my peopo, Dey all suppose to be watcha guys, But dey no can see, jalike dey blind. All a dem, dey donno notting. Dey jalike dogs dat no can bark. Dey ony lay down dea an dream. Dey ony like sleep, fo shua.

Isaiah 6:9

An he tell me, “Go den. Tell da peopo dis: ‘Lissen plenny, but you no goin undastan notting! Look plenny, but you no goin learn notting!’

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.

Matthew 13:13

Dass why me I tell stories fo teach um, cuz jalike da Bible tell, “ ‘Dey see, but dey no can see fo real. Dey hear, but dey no can hear fo real. An dey no undastan.’

John 12:40

“God make um fo dem no see, An make um hard head, Az why dey no like see wit dea eyes, No like undastan wit dea head, No like change an come by me. Az cuz dey no like fo me Make um come good.”

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

John 9:41

Jesus tell um, “If you guys no can see, den nobody can poin finga you guys. But you guys tell dat you guys can see, but you no can see fo real kine. Dass why God poin finga you guys.”

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

2 Corint 4:4

Satan, he jalike da god fo da peopo nowdays. He make some peopo fo dem no undastan. Az da peopo dat no trus Da One In Charge fo real kine. Dass jalike dey no can see da light. Dey no can undastan da Good Stuff bout how awesome Christ stay, da One dass same same jalike God. Jesus jalike one picha fo show how God stay.