Isaiah 42:14 - Hawaii Pidgin Bible

¹⁴ Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Isaiah 42:14 ပူးပေါင်းရင်းမြစ်များ

Job 32:18

Cuz I get plenny stuff fo tell. Da spirit inside me, push me fo talk.

Job 32:20

I gotta talk! Den I can res. I gotta open my mout an ansa Job.

Songs 50:2

From Mount Zion, Da bestes looking place, Dass da place wea God show How awesome he stay!

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 57:11

Da One In Charge tell, “Who bodda you guys An make you come sked?! Cuz you guys stay bulai me, An foget me, An no even bodda fo tink bout me. Long time I neva tell notting. Dass why you guys stay sked a da odda peopo. But you no sked a me, o wat?!

Isaiah 64:12

So den, Da One In Charge, afta all dese tings happen, You still yet goin hold back, o wat?! You still yet no goin talk notting, o wat?! You still goin make us guys get presha Mo den we can handle, o wat?!

Isaiah 65:6

“Look! Wat dey do stay write down in front me! I no goin stay quiet bout wat dey do. No, I goin pay dem back fo eryting! I goin pay um back plenny,

Jeremiah 15:6

Dis, da message from Da One In Charge: “You guys da ones dat bag from me awready. You guys no give a rip an you go way from me. So I goin grab you guys an wipe you out. I had it awready! I no goin show you love an pity no moa!”

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

2 Peter 3:15

Da One In Charge a us guys, he stay hang in dea fo give you guys chance fo come outa da bad kine stuff you stay in. Oua good fren, braddah Paul, he wen write you guys da same ting, aah? God wen make him know wat fo do erytime. Az why he write lidat.