Isaiah 42:11 - Hawaii Pidgin Bible

¹¹ Sing, you peopo dat live Inside da towns in da boonies. Let da peopo stay good inside Dat live in da small towns Wea da Kedar ohana peopo stay. Let da peopo inside Sela town yell Cuz dey stay good inside. Let dem call real loud From da top a da mountains.

Isaiah 42:11 ပူးပေါင်းရင်းမြစ်များ

Start 25:23

Da One In Charge tell her, “Get two peopos inside you. Two diffren ohanas goin come from you, An dey goin stay agains each odda erytime. One peopo goin be mo strong den da odda peopo. Da older braddah ohana goin work fo da younga braddah ohana.”

Songs 120:5

Bummahs! I gotta live Far away from my peopo, Jalike I stay wit da no good peopo Meshek side, O jalike I put up one tent Wit da Kedar peopo.

Isaiah 12:5

“Sing bout Da One In Charge, Cuz he do awesome kine stuff. Let peopo all ova da world know bout dis!

Isaiah 16:1

You guys dat stay in charge a da Moab land, Inside Sela town, nex to da boonies, Give bebe sheeps to Jerusalem, Fo one gif fo show you an dem stay pono. Take um to Zion Hill, Jerusalem side.

Isaiah 21:16

Dis da ting God my boss tell me: “Befo pau one year, jalike one guy dat get work contrack mark how many days mo till da contrack pau, all da rich stuff inside Kedar no goin be no moa.

Isaiah 32:16

Da places wea nobody live, Goin get peopo dea, An judges dat judge da right way. Da field wea plenny stuff grow, Goin get peopo dea, Dat do wass right erytime.

Isaiah 35:1

Da peopo dat goin live inside da boonies An da place wea no mo watta, Dey goin feel good inside. Da place wea no mo nobody, Goin get plenny flowas jalike da narcissus flowa.

Isaiah 35:6

Da peopo dat no can walk, Dey goin jump jalike da deer. Da peopo dat no can talk, Dey goin start fo talk real loud Cuz dey feel good inside. Da watta goin start fo come Outa da pukas all ova da boonies, An streams goin come All ova da up country boonies.

Isaiah 40:3

Somebody yell, “Ova dea inside da boonies, Move eryting outa da way, fo Da One In Charge! Strait thru da Arabah Valley, Make one big road fo oua God!

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Isaiah 52:7

Real nice! Wen we see da messenja guy feet Stay coming ova da mountains Fo tell us good kine stuff! He make shua erybody hear, “Eryting goin come good now! Good tings goin happen! Da One In Charge goin get us outa trouble.” He tell God peopo, Jerusalem town, “Yoa God, he da king now!”

Isaiah 60:7

All da sheeps from Kedar goin come togedda fo you guys. Da goats from Nebaiot goin be wat you guys need Fo make good kine sacrifice on top my altar. An I goin make my awesome Temple mo nice still yet.

Jeremiah 21:13

Me, I stay agains you peopo Dat live Jerusalem, on top da level place up da valley, Jalike one big rock dat no can move. You guys talk big, “Eh, no mo nobody can come attack us! No mo nobody can come inside da place wea we stay hide!” Dass wat me, Da One In Charge, tell.

Jeremiah 48:28

You Moab peopo, go way from all yoa towns. Go live inside da cliffs an da caves. Make jalike da rock dove dat make nes Inside one puka on top da cliff, an da odda side a one gulch.

Jeremiah 49:16

You tink you can make peopo come sked a you, An you get big head. But you ony bulai you! You guys stay wea you can hide inside da cliffs, An you guys take ova da top a da hills, Even if you guys make yoa nes high, jalike one eagle, I goin bring you guys down from dea!” Az wat Da One In Charge tell.

Jeremiah 49:31

Da One In Charge tell Nebukadnezzar: “Stan up! Go attack dis peopo! Dey no stay worry bout notting. Dey tink dey stay okay. Dey no mo bars on top dea town gates. Da peopo stay far from odda peopo.

Ezekiel 27:21

“ ‘Da guys from Arabia an da princes from Kedar buy an sell stuffs wit you guys. Dey trade dea bebe boy kine sheeps, an boy kine goats.

Obadiah 1:3

Cuz you guys get big head, You ack jalike you know eryting. But you donno notting! You guys live wea you can hide inside da cliffs, An inside da high mountains. You guys tink, ‘No mo nobody can bring me down on top da groun!’

Nahum 1:15

Look ova dea on top da mountains! One guy stay come, Dat bring good kine stuff fo tell. He tell dat da peopo can res an no fight! You Judah peopo, make yoa spesho religious ceremonies now. Do wat you wen make one strong promise fo do. Da no good kine guys no goin attack you guys no moa! Dey goin come all wipe out!