Isaiah 41:6 - Hawaii Pidgin Bible

⁶ Erybody help each odda fo come in front me. Dey tell dea braddahs, ‘Come strong!’

Isaiah 41:6 ပူးပေါင်းရင်းမြစ်များ

Isaiah 35:4

Tell da peopo dat feel sked, “Come strong! An no sked! Fo shua, yoa God goin show up Wen da time come fo pay back Da ones dat stay agains him! He da One goin come, An get you guys outa trouble!”

Isaiah 40:19

Da One In Charge, He not one idol kine god! Fo make one idol, One guy melt metal fo make um. Den somebody put gold all ova on top um An melt silva fo make chain.

Isaiah 41:5

“Da islan peopo wen see wat I do, An cuz a dat, dey come sked. Da peopo inside da mos far places on top da earth, Dey stay sked an shaking too. Dem an da odda peopos wit dem, Dey stay come.

Isaiah 41:7

So da guy dat shape da metal Fo make one idol kine god, Wen he give da idol to da guy dat put da gold on top da idol, He give one good kine word to da guy. An da guy dat use da hamma Fo make da gold come smooth, Wen he give da idol to da guy dat poun da anvil, He give one good kine word too. He tell um, ‘Good, da way you put um togedda, aah?!’ Afta, dey poun da nails in da idol kine god So da ting no fall down!

Isaiah 44:12

“Da guy dat work wit da iron, He take one tool an use um Fo shape da metal on top da hot charcoal. Den he use da hamma fo make da shape Wit his strong arm. But bumbye da guy come hungry An no stay strong no moa, he come weak. He no drink watta An litto mo pass out.