Isaiah 41:5 - Hawaii Pidgin Bible

⁵ “Da islan peopo wen see wat I do, An cuz a dat, dey come sked. Da peopo inside da mos far places on top da earth, Dey stay sked an shaking too. Dem an da odda peopos wit dem, Dey stay come.

Isaiah 41:5 ပူးပေါင်းရင်းမြစ်များ

Start 10:5

Some a da Javan ohana peopos, dey da ones dat live nowdays nea da Mediterranean Sea an on top da islans. Ery ohana get dea land, dea language, an dea blood line.

Songs 65:8

Da peopo dat live Da mos far places inside da world, Dey even stay sked Cuz dey see da tings you do Fo show who you. Da ones dat live inside da lands Wea da sun come up An da lands wea da sun go down, You do tings fo dem, fo dem yell plenny Cuz dey stay good inside.

Songs 65:9

You no foget fo do good tings fo da land. You give da land eryting he need. You make da dirt come plenny rich. God, you get plenny watta ditch, full a watta. Az how you give da peopo Plenny wheat fo harves, Cuz az how you stay make da land ready fo plant.

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 67:7

I like fo God stay do good tings fo us. In da mos far parts a da world, I like fo peopo feel sked an shaking Wen dey in front him!

Outa Egypt 15:14

Da odda peopos, dey goin hear dis, Dey come sked an shaking! Da peopo dat live inside da Filisha land, Dey suffa plenny!

Isaiah 41:1

Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 41:6

Erybody help each odda fo come in front me. Dey tell dea braddahs, ‘Come strong!’

Ezekiel 26:18

Wen dis happen, da peopo dat live on da coast Goin come sked an shaking wen you Tyre guys come all bus up. Da peopo dat live on top da odda islans Goin come sked too cuz you guys had it.’

Joshua 2:10

We hear dat Da One In Charge wen dry up da Red Sea fo you guys wen you come outa Egypt. An we hear wat you guys wen do to da two kings fo da Amor peopo da odda side a da Jordan Riva, Sihon an Og—you guys wen wipe um out jalike dey one sacrifice fo Da One In Charge.

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.