Isaiah 41:29 - Hawaii Pidgin Bible

²⁹ You know wat?! Dea idol kine gods, dey ony bulai! Wateva dey do, not importan. Dey jalike da wind, No mo notting inside!”

Isaiah 41:29 ပူးပေါင်းရင်းမြစ်များ

Songs 96:5

You know, da gods fo da odda peopos, Dey no mo powa notting, But Da One In Charge, He da One wen make da sky!

Isaiah 17:8

Dey no goin even tink Bout da altars dey wen build wit dea hands fo da odda gods An da small kine tings dey make wit dea fingas. Dey no even goin look at Dea spesho tiki pos fo da wahine god Asherah An da places fo burn incense fo da odda gods.

Isaiah 2:8

An all ova dea land, get plenny idol kine gods. Dey go down an show respeck Fo da tings dey make wit dea hands.

Isaiah 37:19

an throw all da idol kine gods da peopo wen make inside da fire an wipe um out. Cuz dose idols, dey not real gods, but ony wood an stone statue.

Isaiah 41:24

But you idol kine gods, you notting, An wateva you do, no worth notting. Whoeva pick you guys, dey pilau.

Isaiah 46:7

Dey carry da idol kine god up on top dea back, An bring um to da place dey goin put um. An put um down dea. Da idol kine god stan up ova dea An no move. Somebody call out to um, but da idol no can talk. Da idol no can get nobody outa trouble.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 5:13

Dea guys dat tell dey talk fo God, dey ony mout. Da One In Charge no tell dem notting. Dey tell dat bad tings goin happen to us guys, But we like wat dey tell, happen to dem!’ ”

Habakkuk 2:18

“Peopo carve tiki kine gods, But da idols no can do notting fo dem! One metal kine god ony can bulai! Da guy dat make um trus da ting he wen make! He make idol kine gods dat no can even talk.

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Local Leadas 18:17

Da five guys dat wen scope out da land firs time go inside, an rip off da idol one guy wen carve, an da spesho ves, an da odda idol kine gods, an da idol one guy wen melt metal fo make. Same time, da pries guy an da six hundred guys dat stay ready fo fight stay stan by da gate.

1 Samuel 12:21

Mo betta hang in dea wit Da One In Charge. No go wit da idol kine gods cuz dey no mo notting inside! Dey no can do notting good fo you guys. Dey no can get you guys outa trouble cuz dey notting.