Isaiah 41:28 - Hawaii Pidgin Bible

²⁸ I look da odda gods, but no mo nobody. No mo even one a dem fo tell da peopo wat fo do. I aks dem someting, but da odda gods donno how fo ansa!

Isaiah 41:28 ပူးပေါင်းရင်းမြစ်များ

Isaiah 46:7

Dey carry da idol kine god up on top dea back, An bring um to da place dey goin put um. An put um down dea. Da idol kine god stan up ova dea An no move. Somebody call out to um, but da idol no can talk. Da idol no can get nobody outa trouble.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 59:16

Da One In Charge, he see dat no mo nobody Stay go agains da bad kine stuff. He no can believe No mo nobody even pray fo his peopo! Dass why him da one do um An use his own powa Fo get his peopo outa trouble. Cuz he do da right ting erytime, He no need nobody fo help him.

Isaiah 63:5

I look real hard, But no mo nobody dea fo help me. Bum me out dat nobody dea kokua me. Az why I use my powa fo do wat I gotta do. I stay huhu, an dass wat wen kokua me.

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Daniel 5:8

Den all da king smart guys come inside look, but dey no can read da writing o tell da king wat stay mean.