Isaiah 41:22 - Hawaii Pidgin Bible

²² Bring yoa idol kine gods in front me Fo dem tell us guys wat goin happen bumbye. Let dem tell us wat tings wen happen befo time, Fo us guys tink bout um An tink wat goin come bumbye cuz a dat. O da idol kine gods tell us wat goin come layta,

Isaiah 41:22 ပူးပေါင်းရင်းမြစ်များ

Isaiah 41:26

Wat god you tink wen tell bout dis From da time eryting wen start, Fo us guys know who him?! Da odda gods no can tell dis! Wat god talk bout um befo time Fo us tell, ‘Eh, dat one get um right!’ Da odda gods no can tell dis! Fo shua, nobody talk bout dis befo time. Nobody eva hear notting From all you gods, O from some odda guy.

Isaiah 42:9

All da stuff from befo time, happen awready. Now, goin get new kine stuff, An I da One tell bout um. Befo watevas start fo happen, I let you guys hear bout um. Jalike da seed stay inside da groun awready Befo da plant start fo grow.”

Isaiah 44:7

If get anodda god jalike me, I like um tell how he stay jalike me. I like fo him show da proof Dat he know all da diffren tings Dat wen happen long time befo time, Wen I wen make my peopo come one peopo. An I like him tell me wat goin happen bumbye too.

Isaiah 45:21

Eh, you guys dat pray to da wood kine gods! Tell me how come you do dat. Go come ova hea by me Fo us figga out wat you like tell me. So! Who wen let peopo hear all dis From befo time, long time befo time? Az was me, Da One In Charge, I da One wen tell all dis. Cuz no mo anodda god dat stay fo real, I da ony One! I da God dat do da right ting erytime, An get peopo outa trouble. No mo anodda one can do dat, ony me.

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 46:10

From da start, I da One stay tell How da end goin come. From long time befo time, I tell tings Dat nobody do yet. I da One tell dis: “Da plan I make, Az how goin happen. I goin do eryting how I like fo do um.”

Isaiah 48:14

“All you peopos, come togedda an lissen! Wat idol kine god Wen tell bout dis stuff dat goin happen?! No mo! Me, Da One In Charge, I wen pick my fren Cyrus. He goin do eryting I like him do Agains da Babylon peopo.

Isaiah 48:3

Da One In Charge tell: “Long time befo, I wen tell All da firs tings dat goin happen. I wen make shua peopo hear bout um. Den, wen I stay ready, Right den an dea I do um, An da tings I wen tell, wen happen.

John 13:19

I stay tell you guys dis now, befo he do um, so wen he do um, you guys goin know fo shua dat I God Spesho Guy.

John 16:14

Dass how he goin show how awesome I stay, cuz he goin take all da true stuff bout me an show you guys wat all dat mean.