Isaiah 41:21 - Hawaii Pidgin Bible

²¹ Da One In Charge, da king fo da peopo dat come from Jacob, he tell, “You peopo dat pray to da idol kine gods, I da Judge. How come you no come in front me?! Tell me wat you make argue bout!

Isaiah 41:21 ပူးပေါင်းရင်းမြစ်များ

Job 31:37

I like tell da one dat lissen, eryting I wen do. I like go in front him jalike I one prince dat get da right fo talk to him.

Job 38:3

Come strong, jalike you ready fo work hard! Cuz I goin aks you questions. An you goin let me know wat you tink!

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 33:22

Da One In Charge, he oua Judge. Da One In Charge, he da One give us guys oua rules. Da One In Charge, he da king fo us guys. He da One goin get us outa trouble.

Isaiah 41:1

Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 43:15

Me, Da One In Charge, I da Good an Spesho God fo you Israel peopo. I wen make you Israel peopo. I yoa King!”

Isaiah 43:9

Da peopo inside all da countries, Dey come togedda an get meeting. Who from dem can tell us guys Bout all dis stuff dat stay happen now, An all da stuff dat wen happen befo time? Good dey bring in plenny guys Fo show proof dat dey stay tell da right stuff. Den da odda peopo goin hear, An tell, ‘Az true!’ ”

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Isaiah 46:10

From da start, I da One stay tell How da end goin come. From long time befo time, I tell tings Dat nobody do yet. I da One tell dis: “Da plan I make, Az how goin happen. I goin do eryting how I like fo do um.”