Isaiah 41:18 - Hawaii Pidgin Bible

¹⁸ Jalike I goin make rivas come down on top da dry hills, An pukas fo watta inside da deep gulches. I goin change da boonies. An make um ponds fo watta wit watta plants all aroun. Da place dat no mo rain, I goin make da groun Come one place fo get watta.

Isaiah 41:18 ပူးပေါင်းရင်းမြစ်များ

Songs 104:10

God, he da one Dat make da watta springs Wea da watta come out On top da groun an go da streams. He sen da watta down thru da valleys In da middo a da mountains.

Songs 105:41

God open up one big rock An plenny watta come out Jalike one riva, No matta stay dry all aroun.

Songs 107:35

God make da dry boonies get watta pond all ova, An da land wea no mo rain get pukas wea da watta come out.

Songs 126:4

Eh! Da One In Charge, Us like fo you make eryting Come good fo us guys, Jalike was befo time. Jalike wen you fill up Da dry gulches Negev side Wit plenny watta.

Songs 46:4

Da peopo stay live inside da big town Wea get one riva. Dass wea da God Dass Mo Importan Den All Da Odda Gods Get his spesho place. Da peopo ova dea, dey feel real good Cuz a da watta from da riva.

Isaiah 12:3

Bumbye, all you guys goin feel good inside, Cuz Da One In Charge get you guys outa trouble, Jalike you guys stay good inside Wen you like drink watta, An you get um outa one puka.

Isaiah 30:25

But befo dat happen, Plenny peopo goin mahke, An da high towas goin fall down! Laytas goin get plenny watta fall down From da high mountains an hills. An fill da stream an da watta ditch.

Isaiah 32:2

Da king goin be da kine guy Dat goin be jalike one place Fo da peopo hide From da strong wind o da rain, So no can wack um. He goin help da peopo fo res, Jalike one watta ditch inside one dry place, An jalike one big rock Dat make one big shadow In da place wea no mo watta.

Isaiah 33:21

Right dea inside Jerusalem town, Da One In Charge goin be da One dat stay awesome Da way he goin help us guys. He goin make Jerusalem strong, Jalike some big towns Dat get wide rivas an streams aroun um Too strong even fo awesome navy kine boats Go inside an go across fo attack.

Isaiah 35:1

Da peopo dat goin live inside da boonies An da place wea no mo watta, Dey goin feel good inside. Da place wea no mo nobody, Goin get plenny flowas jalike da narcissus flowa.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 48:21

Da time Da One In Charge take oua peopo Thru all da dry places, Dey neva come thirsty. He make da watta come outa da big rock fo dem. He broke da rock, an da watta pour out.

Isaiah 58:11

Da One In Charge goin show you guys Wea fo go all da time. He goin take kea wateva you guys need, No matta da sun stay hot an burn up da land. He goin make you guys stay strong An feel good. You goin be jalike one garden dat get plenny watta, Jalike one watta puka wea da watta no pau come out.

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Zekariah 14:8

Dat time, fresh watta goin come out from Jerusalem. Da watta goin go half da Big Salt Lake on da east side, an half goin go da Mediterranean Sea on da west side, no matta summa time o winta time.

Jesus Show 22:1

Den da angel guy show me da riva wit da watta dat make peopo come alive fo real kine. You can see thru da riva, jalike crystal. Da riva go from da throne wea God an God Bebe Sheep Guy stay,

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”

Local Leadas 15:19

Den God split open one hollow place Lehi side, an watta come out from ova dea. Wen Samson drink um, he come strong one mo time. So dey call dat puka fo watta “Puka Wea He Yell To God,” an stay dea still yet Lehi side.