Isaiah 41:17 - Hawaii Pidgin Bible

¹⁷ “Da peopo dat get hard time An need somebody fo help dem, Dey look fo watta, but no moa. Dea tongue all dry up Cuz dey thirsty. But me, Da One In Charge, I goin do someting fo help dem. Me, da God fo da Israel peopo, I no goin go way an leave um!

Isaiah 41:17 ပူးပေါင်းရင်းမြစ်များ

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

1 Kings 17:8

Den Da One In Charge tell Elijah dis:

2 Records 6:17

An now, Da One In Charge, da God fo da Israel peopo, I like fo da ting you wen promise yoa worka guy David fo do, happen.

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Songs 34:6

Me, I ony one guy dat no mo notting. I wen yell fo somebody help me. Da One In Charge, he wen hear me! He wen get me outa all kine trouble!

Songs 37:25

Befo time, I was one small kid, An now I one ol man. All dat time, I neva see God foget Bout nobody dat do da right ting. I neva see dose guys kids Stay beg fo get someting fo eat.

Songs 42:2

Inside, I tink lidis: “I like see da God dat stay alive, Jalike I stay thirsty fo see him! I like know wen I can go by him Fo stan in front him!”

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 74:21

Do someting, fo da peopo Dat get plenny presha No come shame one mo time. Do someting fo help da pooa peopo An da ones dat no mo notting, Fo dem tell good tings bout you, Cuz dey know wat kine god you.

Songs 94:14

Cuz Da One In Charge No goin dump his peopo. He no goin go way From da ones dat stay his.

Outa Egypt 17:3

But da peopo dea, dey thirsty fo watta. Dey grumble to Moses, an dey tell um, “Eh! How come you bring us guys outa Egypt? Us stay real thirsty, we goin mahke! You like kill us guys, an oua kids, an oua sheeps an cows, o wat?!”

Outa Egypt 17:6

Dis wat I goin do. Wen you get dea, I goin be ova dea, standing in front you, by da big rock Horeb side. (Horeb, dass anodda name fo Mount Sinai, you know.) Hit da big rock wit yoa stick fo walk fo get watta come outa da big rock. Den da peopo goin drink da watta.” Dass wat Moses do, an da older leada guys from da Israel peopo stay watch him.

Isaiah 30:19

Cuz you peopo dat live inside Jerusalem town, You no goin cry no moa. Wen you guys yell to Da One In Charge fo help you, He goin do um. Fo shua he goin do good tings fo you. He goin hear you guys, An right den an dea he goin help you.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 43:20

Da wild animals ova dea show respeck fo me, Da jackal kine dogs, an da ostrich bird, Cuz I give dem watta fo drink inside da boonies, An streams wea nobody live, Fo give watta fo drink to my peopo, Da ones I wen pick.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 48:21

Da time Da One In Charge take oua peopo Thru all da dry places, Dey neva come thirsty. He make da watta come outa da big rock fo dem. He broke da rock, an da watta pour out.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Isaiah 55:1

Da One In Charge tell: “Hui! All you peopo dat need help, come! I tell da peopo dat stay thirsty, Fo go come by me an I give you watta! No matta you guys no can pay, Go come get wheat fo you eat! Go come get wine an milk! No matta you no can pay, No goin cost you notting!

Isaiah 58:11

Da One In Charge goin show you guys Wea fo go all da time. He goin take kea wateva you guys need, No matta da sun stay hot an burn up da land. He goin make you guys stay strong An feel good. You goin be jalike one garden dat get plenny watta, Jalike one watta puka wea da watta no pau come out.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Isaiah 62:12

Dose peopo he goin bring, Odda peopo goin call dem “Da Peopo Dat Stay Spesho Fo Da One In Charge, Da Peopo Dat Da One In Charge Pay Da Price Fo Get Um Outa Trouble.” An peopo goin call Jerusalem, “Da Town Da One In Charge Wen Look Fo, Da Town Da One In Charge No Goin Leave.”

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Isaiah 65:24

Befo dey yell fo help, I help um. Wen dey still stay talking, I hear dem awready.

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

Jeremiah 31:25

Erybody dat come weak cuz dey thirsty, I goin give um plenny fo drink. Erybody dat feel jalike dey goin fall down cuz dey hungry, I goin feed dem plenny.”

Sad Song 4:4

Cuz da bebes stay thirsty, dea tongue stick to da top a dea mout. Da kids beg fo food, but nobody give dem even litto bit.

Ezekiel 47:8

Den he tell, “Dis watta go east, den go down inside da Arabah Valley, an from dea go inside da Big Salt Lake. An wen da watta from da Temple reach da Big Salt Lake, den da lake watta goin come fresh.

Matthew 5:3

“Da peopo dat know dey pooa an need God inside dem, Dey can stay good inside Cuz God in da sky, he dea King.

Matthew 5:6

“Da peopo dat erytime fo real kine like do da right ting, Dey can stay good inside Cuz God goin help um do um.

Luke 16:24

“So he yell, ‘Eh Abraham, my ancesta guy! Pity me an sen Lazarus fo dip da tip a his finga in watta fo cool my tongue, cuz I stay suffa plenny inside dis fire!’

2 Corint 12:9

But he tell me, “I do plenny good tings fo you, an dass all you need. My powa mo strong inside you wen you no can handle trouble wit da powa you get.” Az why I goin talk big even moa, cuz get plenny stuff I no can handle. Dass how Christ powa goin stay wit me.

Jesus Show 21:6

Den he tell me, “Dass it! Eryting pau! Me, da One wen do all dese tings, from firs to las, A to Z. Whoeva stay thirsty, I goin give um watta fo drink from da puka fo da watta dat make peopo get life fo real kine, an no need pay.

Jesus Show 22:17

Bumbye da peopo dat stay spesho fo God goin come togedda wit me, jalike wen one wahine marry one guy. So da Good An Spesho Spirit an God peopo, dey tell, ‘Try come!’ Erybody dat hear dat, tell ‘Try come!’ too. Whoeva stay thirsty let um come, an whoeva like, let um take da watta dat make um come alive fo real kine, an no goin cost dem notting.”