Isaiah 41:15 - Hawaii Pidgin Bible

¹⁵ “An you know wat I goin do cuz a all dat? I goin make you Israel peopo come strong Fo bus up erybody dat stay agains you. You goin come jalike da kine wood frame Dat get two sides sharp, wit plenny teets. Da cows pull da wood frame On top da wheat dey wen harves, Fo bus up da wheat an take out da junks. Az Jalike you goin broke up da mountains An smash da hills. An afta dat, Ony goin be like da junk kine stuffs dat blow away.

Isaiah 41:15 ပူးပေါင်းရင်းမြစ်များ

Job 41:30

Da scales undaneat his belly real sharp, Jalike pieces from one crack up clay pot. He leave one big mark in da mud, Jalike da kine board wit sharp nails undaneat Dat split da wheat from da junk kine stuffs.

Songs 18:42

I wen poun um an make um jalike powda, Jalike dus dat da wind blow aroun. I go sweep um outside, jalike dey dirt.

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Isaiah 21:10

God tell, “Bummahs! My Israel peopo, You pooa guys stay all bus up, Jalike wen dey smash da wheat on top da groun Fo take out da junk kine stuffs.” Dass wat I wen hear from Da One In Charge, Da God Ova All Da Armies, Da God fo da Israel peopo. He wen tell me all dat fo help you guys.

Isaiah 28:27

Dass why, wen dey take out da junks, Dey no drag one heavy wood ova da black cummin, An dey no roll da wagon wheel ova da regula cummin. Dey hit da black cummin wit one stick ony, An same ting fo da regula kine cummin.

Isaiah 29:5

Goin get real plenny guys from anodda place Dat stay agains you guys, But dey goin come jalike da dirt on top da groun. All da peopo dat like hurt you guys, Dey goin come jalike da junk kine stuffs from da wheat Dat stay blow way. Goin come real fas,

Isaiah 42:15

I goin bus up da mountains an hills, An make eryting dat grow on top dem come all dry. I goin make da rivas come down low Fo dem get islans in da middo. I goin dry up all da ponds.

Isaiah 64:1

Eh, Da One In Charge, I wen like fo you open da sky An come down hea awready! If you wen do dat, da mountains goin shake Jalike get earthquake, An fall down in front you!

Jeremiah 51:20

“You Babylon guys, you jalike my war club fo fight, My war club fo make war. Wit you, I goin use you fo bus up da peopos, An fo wipe out kings an dea peopos.

Jeremiah 51:33

Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Ezekiel 33:28

I goin make da land come wasted fo erybody come sked go dea. Da peopo ova dea get big head cuz dey strong, but not goin stay lidat. Even da Israel mountains goin come wasted too, an nobody goin pass thru dea no moa.

Daniel 2:35

Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Habakkuk 3:12

You stay huhu, an you walk thru da earth. You huhu, an you make to da nations Jalike wen peopo wack da wheat Fo split um from da junk kine stuff.

Zekariah 4:7

Yoa problems jalike dis big strong mountain. But da mountain goin come flat land in front Zerubbabel. Den he goin put da las stone block fo da temple wea suppose to stay, an da peopo goin yell, ‘Az beautiful! Az beautiful!’ ”

Joshua 17:18

You goin get da up country fo yoa property, wit plenny trees too. Cut down da trees, an da whole land goin come yoas. No matta da Canaan peopo get iron war wagons an dey strong, you guys can make dem go way from dea.”

Local Leadas 6:16

Da One In Charge tell him, “I goin stay wit you. You goin bus up all da Midian guys same time.”