Isaiah 41:13 - Hawaii Pidgin Bible

¹³ Cuz me, Da One In Charge, I yoa God. I da One stay hold yoa right hand, Da One stay tell you guys, ‘No sked! I goin help you.’

Isaiah 41:13 ပူးပေါင်းရင်းမြစ်များ

Songs 109:31

Cuz wen somebody need help, Da One In Charge, He stay right dea by dem Fo get um outa trouble, No matta odda peopo Like judge dem an kill um.

Songs 118:7

Da One In Charge, he stay back me up An help me. Wen Da One In Charge win Ova da peopo dat hate me, I goin see him do um.

Songs 63:8

Me, I stay tight wit you. You hold me up so I no fall down.

Songs 73:23

But eh Da One In Charge! Still yet, I stay tight wit you, Jalike you stay hold my right hand.

Outa Egypt 14:13

Moses tell da peopo, “No sked! Stan right dea an watch. You guys goin see Da One In Charge get you guys outa trouble, an he goin do dat today. You see dose Egypt guys ova dea? From today, you no goin see dem no moa, eva!

Outa Egypt 20:20

Moses tell da peopo, “No sked! You guys know how come God come hea? He stay hea fo put presha on you guys fo you learn someting! An he like you guys no foget how you feel wen you stay sked a him, cuz if you get awesome respeck, bumbye you no goin go do someting bad.”

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 42:6

“Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations.

Isaiah 43:6

I goin tell da peopo from da north side, ‘Let my peopo come!’ An I goin tell da peopo from da south side, ‘No hold dem back!’ Bring all my boys from far places, An my girls from da mos far place inside da world.

Isaiah 45:1

Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Isaiah 51:18

You guys, jalike one wahine dat born plenny boys But now, no mo even one a dem Fo show her wea fo go. She wen raise up her boys But now no mo even one a dem Fo hold her hand.

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Jeremiah 46:27

“But you peopo Dat get my worka guy Jacob fo yoa ancesta, No sked! You peopo dat get Israel fo yoa ancesta, No lose fight! Fo shua, I goin get you guys outa trouble No matta you stay live one far place, I goin get yoa kids outa da land wea dey stay prisonas. Nobody goin bodda da Jacob ohana one mo time. Dey goin come so notting bodda dem, An nobody goin make dem come sked an shaking.

Haggai 2:5

Az da same deal I wen make wit yoa ancesta guys wen dey come outa Egypt. An my Spirit still yet stay right hea wit you guys. No sked!

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.