Isaiah 41:1 - Hawaii Pidgin Bible

¹ Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 41:1 ပူးပေါင်းရင်းမြစ်များ

Job 38:3

Come strong, jalike you ready fo work hard! Cuz I goin aks you questions. An you goin let me know wat you tink!

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 34:1

Go come nea by me ova hea, you peopo Inside da diffren countries Fo lissen wat I tell. I like all da peopos all ova da world, An eryting dat stay hea An grow hea inside da world fo lissen.

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Isaiah 41:5

“Da islan peopo wen see wat I do, An cuz a dat, dey come sked. Da peopo inside da mos far places on top da earth, Dey stay sked an shaking too. Dem an da odda peopos wit dem, Dey stay come.

Isaiah 43:26

Tell me fo me know Someting good you guys wen do befoa. Den we can make argue togedda, An you can tell me bout um, Fo show you okay.

Isaiah 43:9

Da peopo inside all da countries, Dey come togedda an get meeting. Who from dem can tell us guys Bout all dis stuff dat stay happen now, An all da stuff dat wen happen befo time? Good dey bring in plenny guys Fo show proof dat dey stay tell da right stuff. Den da odda peopo goin hear, An tell, ‘Az true!’ ”

Isaiah 48:16

Go come nea me, you guys, An lissen dis. From da firs ting I tell, till now, I neva hide wat I tell. Wen da ting happen, I stay dea.” An now, Da One In Charge a me Sen me, Isaiah, fo tell dis, An he sen his Spirit too.

Isaiah 49:1

You peopo inside da islans, lissen me! You peopo inside da far countries, lissen up too! Befo I born, Da One In Charge, he da One call me fo be his guy. From da time I born, he tell peopo bout me Cuz he know who me.

Isaiah 50:8

Da One dat goin show peopo dat I stay right, He stay nea me. Whoeva like poin finga me, I like fo him an me stan togedda in front da judge! Let him come in front me fo him tell me!

Habakkuk 2:20

But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

Zekariah 2:13

Quiet! All you peopo on top da earth, stay quiet in front Da One In Charge. Cuz he all ready fo come down hea from da place dat stay spesho fo him in da sky!