Isaiah 40:27 - Hawaii Pidgin Bible

²⁷ “You Israel peopo dat come from Jacob, How come you guys tell, ‘Da One In Charge no can see wat stay happen to me! My God no give a rip bout my rights!’

Isaiah 40:27 ပူးပေါင်းရင်းမြစ်များ

Job 23:14

Cuz he goin make happen wat he plan fo do fo me. An he get plenny mo plan fo wat he goin do fo me.

Job 27:2

“Fo shua God stay alive. But he take away my rights! Da God Dat Get All Da Powa, he make me come all jam up!

Job 34:5

Cuz Job tell, ‘No matta I neva do notting wrong, Still yet, God take away my rights!

Isaiah 25:1

Da One In Charge, you my God! I goin tell dat you da greates, I goin tell peopo I know wat good kine god you! Cuz you wen do awesome kine tings Wen you make one plan from long time befo, An us guys can trus you fo dat, An we know you tell da trut.

Isaiah 44:21

“So den, you Jacob ohana peopo, No foget all dis stuff! Cuz you guys work fo me, You Israel peopo. I wen make you guys Fo work fo me. You Israel peopo, I no goin foget you guys.

Isaiah 49:14

But da Mount Zion peopo, dey tell, “Da One In Charge wen leave us! Oua Boss foget bout us!”

Isaiah 49:4

But I tell, “All da hard work I wen do, No mean notting! I stay strong befo time, But now, I stay all wore out Fo notting! But fo shua, Da One In Charge, he da judge fo tell If az ony wase time, o not. My God, he da One goin pay me.”

Isaiah 54:8

I wen get real mad, Jalike one flash flood, Cuz I no like wat you guys stay do dat time. I turn my face away so you no can see um Fo short time. But I get love an pity fo you guys, An I goin stay tight wit you foeva.” Dass wat Da One In Charge tell, Da One dat pay da price Fo get you guys outa trouble.

1 Samuel 27:1

David now stay figga, “Bumbye, aah? Saul goin wipe me out. So, mo betta I bag outa hea, an go by da Filisha peopo. Ova dea, Saul no goin look fo me inside da Israel land no moa, an I goin get away from his powa.”